Popular Bible Verses from Ebrei 12

Share

Ekudani hohoi eluluŋ suuti arriai. Tania, héduhara addi erre 'daŋ hunne itihi 'to ekoi hohoi. Heduhara buo fe addi neyyau onno ogolik 'to jihohoi. Hadihata luŋa iŋiorori fir fir many isidi ono arracita ania. Hatuhonia egigilo hohoi 'daŋ jio Yesu, alla ara neruk hohoi tenyi, tetteri many isidi. Obeŋ nyia inyi ohorok te eram ninyia ittigemierek inyi ikruce. Ati, ta amijana honyi amuno onno olo inyi irumana moi, odihu nyia inyi ariri ta aye honyi ikruce. Itoŋo inyi ihuania totto ŋati iŋet ono aseger ilohittok Hollum.

Oŋitek 'daŋ, elle itabisie hohoi, ara ihuo enne iyaŋuno inyi jihohoi ejiriŋa, buo obiaŋara amuno. Ati ihalu, onyurani adi hia, hunyia itabisani te ettigemio ihuo nyia, esiorio ono elik tajia enne iyaŋuno 'to abisan manya.

Okiamata itoŋori te elik tajia iko aati 'daŋ ababo. Okiamata buo fe imanyari amanya elibo, nyio, ittallik tulo igonyuna Lamonye alla abeŋ inyi amanya ihuo nyia.

Iko ogiluna erre hunyia odihu inyi! Odik nyia inyi ajujon tuajin heyyak. Tania, obeŋi adi ahuattek hatai ilihuni ittata ihoronia.

Tania, hésiatta ti ahumo jio Hollum; nyio, efuotu obuore enne ittallihi ittanniŋ. Ta abaŋi iko te ellilliha, hamunoti buo fe etahabuyo Hollum te ekoi enne itamuno 'to inyi.

Odihuna 'daŋ ettigemio, nyio, ekoi ania enne ittittoyere monye itai. Itahutak ania jio, ihanio Hollum ihuo nyia, nyio, irata itai aduri honyi. Owon soho obo eto ollo obeŋ monyonyi isiŋio?

Ara luŋa Hollum hohoi, ihuo eema enne itamuhitta 'to erre.

Héra aduri, itabisie hohoi monyie hohoi ihuo obis jihosi; ati itabisio Hollum iyaŋuniere ayiji jihohoi jio, oŋida bati elibo ihou inyi.

Te enne ifayette itai ahuattek hatai jio eyyak, hèbiaŋata itai iwojuna many ottohorik itai.