Popular Bible Verses from Ebrei 13

Share

Hèmanyati ta amuno gurusi, itaremehina atajia jio erre hunno owoni 'to jihatai. Nyio, ojio Hollum, “Abeŋ adi ni luŋa edehi itai; ettallik adi ni luŋa ibasana itai.”

Ittallik Yesu Kristo ilufaji! Odulo inyi arahan ihuo lia, ŋole ŋole, ahana many 'tulaŋ.

Tania, hèlaha abaŋi owon jihohoi elle ejio jio, “Lamonye, inyi aluahani hoŋ, ettallik ni ibaŋi. Oremik 'tadi tulo ihan obo ariŋ jihoŋ?”

Hèguotti ihaniere ayiji buo fe iluahiere ahuattek nyio, ehumita hunia hunno omuno Hollum.

Tania, haduloro ti etahabuyo Hollum, ara ania ihuo ehumi hohoi tottolo Yesu Kristo. Inyi ania esiorio enne isiori te etuhe hunne iruhoni 'to inyi.

Ijiara atulo 'daŋ omijak jio, oyyu awanan ta haŋ; tania, hèlaha alle kuyya aŋotte ittarroho awanan honyi ta haŋ ta aroto. Oŋot adi Hollum eram tulo 'daŋ elle ihanio 'to erre somon buo fe oroto.

Hèguotti efuotutta atamonok ihaŋitek hatai. Owoni nyia omuk aati hunyia ihani ihuo nyia, ette ifuotuna ajilohien buo obeŋi omijani.

Ihuania, ijiara Hollum olo nelik tajia isiarak jihatai erre ayijok 'daŋ, oŋida bati itai ihaniete erre hunna awak inyi. Inyi nyia itubuhu Yesu Lamonye hohoi toye. Yesu, alla ara 'to ihuo Eyyahani ollo Oyyu 'to bebe, elle iyaŋuno nooto honyi emuara onno osio 'to 'tulaŋ ihiji Hollum iko aati honyi. To Yesu Kristo, ijiara buo fe Hollum igiamari hohoi ihuo awak inyi. Ijiara akuatan hatawana jio Kristo 'tulaŋ, 'tulaŋ. Amen.