Popular Bible Verses from 1 YOANE 4

Share

Obeŋ abuaran taji iyaŋuno abaŋi, nyio, elle efut abuaran taji jio atulo, ittallik inyi ibaŋi. Tania, alla abaŋ atulo eram ono ettigemio, itahutak jio hobeŋi itufutani abuaran taji jihonyi.

Ati, aduri hoŋ, irata itai a hulo Hollum. Igalihina itai ekianak enyabak hullo ojiori 'to jio ekiana isi eram Hollum, nyio, odua bebe Oloholio ollo owon 'to jihatai agalik ollo owon 'to jio hia hulla arai 'to a hulo afau.

Etabuorio atajia, nyio, Hollum nyia ahosiere itabuor ataji honyi jihohoi.

Illarak iko haniyarak hoŋ, ijiara luŋa abuaran taji owon ihiji hohoi; nyio, ottu abuaran taji jio Hollum. Lia, elle itabuor 'to ataji honyi, ara inyi a hito Hollum buo fe inyi omijak Hollum.

Lia, ollo obeŋ 'to itabuor ataji honyi jio hullomuk, obeŋ inyi omijak Hollum; nyio, Hollum inyi abuaran taji.

Obeŋ abuaran taji ahode ara te etabuorio tajia jio Hollum; ati, ara ta abuaran taji honyi hohoi iko te efahuna honyi Lonyi honyi irari ehumi onno ohohinierek eyyata hohoi.

Illarak iko haniyarak hoŋ, alla abuor ataji Hollum hohoi ihuo nyia, ijiara fe luŋa abuaran taji owon ihiji hohoi.

Itahutak nyia Hollum abuaran taji honyi hohoi, te efahuna honyi, Lonyi honyi olobotie ifau, jiojio oŋida bati esu tenyi.

Elle ejio jio, obuori atajia hohoi Hollum, buo eliwari illarak iko haniyarak hohoi, era agesomok. Hèbeŋ egonyu Hollum. Aŋai ti eremik itabuor atajia jio Hollum buo ebeŋ etabuor jio aati hulle egonyu?

Lia, elle iruhok 'to sar sar jio ara Yesu a Lonyi Hollum, inoso inyi iko Hollum buo fe Hollum inoso ikonyi.

Isiarak nyia Kristo jihohoi efahi ana: lia, ollo obuor ataji honyi Hollum, ijiara buo fe luŋa inyi itabuor ataji jio aati hullomuk.

Illarak iko haniyarak hoŋ, hèruhoto aati 'daŋ hullo ojiori 'to jio, ewon isi iko Oloholio Hollum. Okiamata isi 'daŋ, irumaniere ollo ottu inyi luŋa jio Hollum. Nyio, imasik 'daŋ, isarrahini ekianak enyabak arriai hullo ojiori 'to jio ekiana isi eram Hollum. Iremehina adi itai imijana Oloholio onno ottu 'to jio Hollum te ekoi ana: atulo 'daŋ elle iruhok 'to jio, ara nyia Yesu Kristo atulo, owon inyi iko Oloholio Hollum.

Buo atulo 'daŋ ollo orisa 'to eram Yesu ania, obeŋ inyi owon iko Oloholio Hollum. Ottu oloholio ottononyi ania jio Amiottononi Kristo, linyia itaniŋuna itai jio olo ittuna; lawon inyi ihuania ifau dini.