Popular Bible Verses from 1 YOANE 3

Share

Aduri hoŋ, hèlaha abuaran tajia hohoi ara eram hutuk ijiai. Ijiara luŋa hétara hode buo fe oleyo te ehanita hohoi.

Emijak anyio abuaran taji nyio, iruk nyia Kristo naye te eram hohoi. Tania, ijiara buo fe luŋa eye te eram aati hullomuk.

Ike imijata, aŋai itabuorio Monye ataji honyi jihohoi! Obolo abuaran taji honyi bebe many iloŋorik hohoi aduri Hollum. Hode, era aduri honyi. Inyi ania, eram onno otimorik aati afau ana hohoi, nyio, otimoi isi Hollum.

Lia, ollo odulo 'to eyyautta, ara inyi a holo Sittan, nyio, iyyau nyia Sittan many tetteri fau. Inyi eram ania ninyia ottuniere Lonyi Hollum, itatturiere ehanita huno Sittan 'daŋ.

Obeŋ bunyi atulo alla ara 'to a hito Hollum odulo eyyautta, nyio, owon nesu ono Hollum jihonyi. Ta arahan Hollum Monyonyi, ittallik inyi iduloro eyyautta.

Aŋai attadi oremehini aati asamak, hulle igonyuni 'to elociaŋ illarak iko haniyarak hosi, jiaran jio, obuori atajia hosi Hollum, buo obeŋi igigilo tesi?

Hia 'daŋ, hullo oniŋie 'to efahita Hollum, amanyai adi isi te enoso ikonyi; odulo adi buo fe inyi enoso ikosi. Tania, to Oloholio ninyia isiarak Hollum jihohoi, emijak jio enoso iko Hollum.

Eremik iheruna aduri Hollum jio hulo Sittan te eram ana: hia, hullo obeŋi 'to ihanie onno obis kuyya obeŋ abuaran taji owon ihiji hosi, obeŋi isi arai aduri Hollum.

Asayyo huna hunyia itaniŋuna itai many tetteri jio: ijiara luŋa abuaran taji hatawana ihiji hohoi.

Tania, illarak iko haniyarak hoŋ, hèllillihati alla aliwarik aati hutta fau itai.