Popular Bible Verses from 1Korinto 12

Share

To obo ekoi, italeyehini awanan Loholio jio aati 'daŋ ababo, iyaŋuniere ayiji jihosi 'daŋ.

Itai 'daŋ ahuan Kristo, irata 'daŋ ababo aŋacio huan honyi.

Alla adiaha aŋati huan abotie, ette buo fe aŋacio huan 'daŋ hunnomuk idiaha ara abotie ikonyi; elle itahuye aŋati huan abotie, ette buo fe hunnomuk 'daŋ imuno arabotie ikonyi.

Isiarak Oloholio jio lobo agolon ikianari olofioro, buo ahuan Oloholio alia buo fe isiarak jio ollobo agolon ikianari amijana hirre. Isiarak buo fe ahuan Oloholio alia jio lobo neruk, buo inyi isiarak jio ollobo aduaran ono etaŋidario. Oloholio alia buo fe isiarak jio obo aduaran ihaniere eduariti; buo jio obo agolon ikianari asayyo Hollum; buo jio obo agolon iheruniere esiorita huno Oloholio jio esiorita hunno obeŋi 'to arai ahuno Oloholio; buo isiarak jio lobo agolon ikianari etuhe hunno olufaji; buo jio lobo agolon itahuciere etuhe hunno olufaji 'to hunia.

Ahuan Oloholio alia ihan erre hunia 'daŋ; inyi ohorio esiorita gele gele jio aati 'daŋ ababo, ihuo awak inyi.

jio oŋida ebubuanya obeŋ to huan. Ati oŋida aŋacio huan 'daŋ ababo igigiloi to hunnomuk.

Owoni esiorita gele gele, ati ahuan Loholio lia abotie isiorio isi. Owoni buo fe ekotia gele gele hunne igiamarik, ati igiamarik jio ahuan Lamonye lia abotie. Owoni buo fe egoliti gele gele igiamari, ati ahuan Hollum isiarak isi jihohoi 'daŋ ababo.

Jio eluluŋ heruhok, isiarak Hollum jihosi amasik ababo, etteri jio efahat, etarrihi jio ekianak honyi, etahunihi jio ettiyanak, attati teya jio ehanak iduariti, etaŋidarak, aluak, ellettaha, ekianak hutuhe hunno olufaji 'to.

Nyio, obeŋ ahuan owon iko aŋati abotie ijiai, owon inyi iko aŋacio arriai.

Ati, ettallik tibuo imanya obeŋi aŋacio huan hunna arai 'to ihuo ollo ojoni.

Alla ara duo ahuan 'daŋ ahonyek, itayirio duoti inyi aŋai? Buo alla ara duo ahuan 'daŋ ahiyyok, iŋuada duoti inyi aŋai? Ati ihuo ara inyi, ittuttubak Hollum aŋacio huan 'daŋ ababo ihuo awak inyi. Owon duo ahuan ajia, alla ara duo inyi 'daŋ aŋati abotie?