Popular Bible Verses from 1Korinto 11

Share

Ihuo nyia buo fe, ihalu ŋiyo, ette inyi iduhuna ematit, ette jiaran, “Ara ematit ana ecorit aŋejuk enne itasiruni to nooto hoŋ. Elle imatata itai inyi, ihaniete ihuo nyia, igiluttari ani.” Ajiaran ania jio, oŋitek 'daŋ, elle iŋiyete itai emune ana buo fe imatati afino otto ono ematit ana, iramiete itai eram ye ono Lamonye, many ocohuniere inyi.

Nyio, ettiyenita hunne efotok ni hunia jihatai, efuotu nyia ni isi jio Lamonye. Jio attari ninyia itinyiaŋanierek inyi, iduhu nyia Yesu Lamonye emune, ette isiarana ahumo jio Hollum, ette ibeny, ette jiaran, “Ahuan hoŋ ana, anna ara 'to tetai. Ihaniete ihuo nyia, igiluttari ani.”

Tania, ijiara inyi ihum do imi ahuan honyi, attati iŋiyo emune ania buo fe amat afino otto imatit ania. Nyio, itaŋotok adi inyi epali ihuan honyi, alla aŋiyo inyi emune ania buo fe amata afino otto imatit, buo obeŋ omijak awoyo hiram ono ahuan Lamonye.

Tania, alla anya lobo jihatai emune ania kuyya amat afino otto imatit ono Lamonye te ekoi onno orroho, ihan atulo alia eyyau jio ahuan Lamonye iko jio nooto honyi.

Tania, ijifatiete ehanita hoŋ, ihuo enne ejifatiere ni ehanita Kristo.