Popular Bible Verses from Santiago 4

Share

Ni-entregá̱tcʉjʉ mit Dios. Majmóyga is̈tenta̱tcáj Awayagatsna', mit je' is̈cupo'jcáj.

Cutómiga Dios, mit Dios is̈cutomigáj mijchat. Maljayajwat, camjawatca mal. Mijchat jeme impensa̱tcapay mechc cosa, yo'tcaja Dios pi is̈limpia̱tcac.

Camnimʉjninʉmgʉjʉ mam Dios is̈-e'pcáj, mit je' is̈mʉjninʉmgáj.

Je' nas̈wangap mit nas̈moygap favor. Jemni'c itsʉ̱na ja'yic Dios ilibruni'c: “Dios igapʉctsougʉs̈p jeme nimʉjninʉmgʉjʉpay, po imoygʉs̈p may favor pa jeme canimʉjninʉmgʉjʉpay.”

Te tu'c jayau ijawip pa iguiwatwa'n oy po igawatp, ayé jayau iwatp mal.

Inyo'tcap po ingapʉctsougap, ni'c inyo'tcap mal pa is̈malgasta̱tcawa'n mit ti inwangapay.

Mijchat ingajatcap cumplia̱tca. Oy pi jawiga ni'c te inwangap mal itpay en ayʉ̱́j mundu, inyajcap Dios as̈am inmutsuguijnat. Pʉmba'tu jeme i-amigujatpay jayajwat iwangapay mal itpay en ayʉ̱́j mundu, ayé Dios imutsuguin.

Mit ingajawigap ti jatámpay jobom. Ni'c ¿as̈am ti ayé navida? Navida as̈am tu'c ma̱nic ni'c que's̈p s̈ʉ̱n, cʉs̈wa'n togoypatu.