Popular Bible Verses from Colosenses 3

Share

Nimajmóygʉjʉ mit niperdoná̱tcʉjʉ te miniche'jcʉjʉp. As̈am Cristu is̈perdona̱tcau, wename-ey mijchat wátca.

Pensa̱tí̱jca ayé cosajat is̈acmingajapay Dios, mit campensa̱to'jca mit ayé cosajat itpay en ayʉ̱́j mundu.

Mit nu'pʉjʉn inwatcámpay pi watca mit nu'pʉjʉn injo̱jtat ni'c inservia̱tcajap el Señor, mit caje' jayajwat.

Dios is̈wangap mit is̈cupiugau pa is̈je'jatcáj. Jinap wátca ayʉ̱́j: Jayaumáyga nu'pʉjʉn is̈nʉmgajapay Dios, ayo̱wís̈ca, jayawánga, camnimʉjninʉ́mgʉjʉ mit aguépca calma.

Nu'pʉjʉn is̈nʉmgajaway Cristu ma tan injo̱tni'jcat. Ajque's̈ca mit tsáwiga minu'pʉjʉjnat ni'c Dios is̈actujawigap nu'pʉjʉn. Ʉuga salmu mit himnujat, mit ʉ́ugaja el Señor, mit ʉ́uga jeme Espíritu Santu is̈moygámpay, mit tsʉ̱́nga agradecidu. Nu'pʉjʉn inyʉmgámpay o inwatcámpay, watca nu'pʉjʉn ni'c injayaumaygap el Señor Jesús, mit nʉmgaja Dios Nate̱jat ni'ctiyu̱s̈ ni'c inmutʉgʉygau Jesús.

De nu'pʉjʉn cosajat, más oy pi niwangʉjʉ, ni'c ayé nas̈acjatcap as̈am tu'jcatu.

Mijchat mitsʉ̱ngap as̈am mijutucta̱jcaway mit Cristu. Jinap che'nga lo que Dios is̈acmingajapay mam Cristu itsʉ̱na i-oyimaycʉ'ni'c Dios.

Mit ma tsʉ̱na injo̱tni'jcat ayé paz is̈moygapay Dios, ni'c Dios is̈ya̱s̈cau pi tsʉ̱́nga as̈am tu'jcatu, mit tsʉ̱́nga agradecidu.

Nijawiyo'tca nu'pʉjʉn mal iyo'tpay injo̱jtat yam, inchajyo'ygawa'n, is̈watcawa'n mal, is̈wangawa'n mʉgʉc mal cosajat, is̈wangawa'n jayje'. Ni'c jeme iwangapay mʉgʉc jayje' ayé imu-e'p as̈am tiyu̱s̈wampajyat ni'c iyajcap menus Dios.

Mitsʉ̱ngap as̈am o'guic ni'c ingajawatcap cuenta mal cosajat, mit jinap inaguepcap nam vida ni'c inmutʉgʉygau Cristu, mit Dios is̈cuida̱tcap.

Po jinap cuyáguiga ayʉ̱́j: Cam-awa'niga, camjoranda̱jca, camwatca mal, camtucotsca nepʉn, camtʉ'tscotscayu.

Camjaniwe̱tcʉjʉ mijchatu ni'c incuyaguigaway ayé ampay vida inaguepcaway ámbanu, ni'c ámbanu inwatcau puru mal. Mit jinap inaguepcap nam vida, ni'c Dios is̈namwatcau pa pi jatca as̈am je', pa we'n inis̈capcáj más Dios.

Jayajwat ma wanga ito's̈ajyat mit magamu-awa'niga.

Nu'pʉjʉn ya̱wájat ma jayaumayga iguimanda̱tcáj ima̱jmat mit ite̱jtat, ni'c ayé igui-acji'jcap ijo̱jt el Señor.

To's̈ajyat ma jayaumayga ina'jwat ni'c je'jat icupʉjcap el Señor.