Popular Bible Verses from AONEGA HEREVADIA 17

Share

Tau ta ena turana ese ia lalokau henia noho, nega ibounai, bona nega dika ia vara neganai, oiemu tadikakana ese iena lalokau ia hedinaraia noho.

Iena kudouna ia moale tauna ese namo ia havaraia noho, muramura namona bamona, to laloa metau tauna ese turia dika gorere ia havaraia noho.

Dika ia gwauatao tauna ese lalokau ia havaraia noho, to unai dika ia gwauraia loaloa tauna ese, turana dala ia hadikaia noho.

Aonega tauna ese hereva momo ia gwauraia noho lasi, bona ia badu haraga lasi tauna, be mai ena lalona kehoa.

Kavakava tauna bema ia hereva lasi neganai, taunimanima do idia laloa ia be aonega tauna. Bema iena uduna ia hakapua neganai, do idia gwau ia be mai lalona tauna.

Beredi kaukau mai maino danu do oi ania be namo, to aria badana mai heai bona hepapahuahu danu be dika.

Heai hamatamaia kara, be ranu bada gabuna ena magu makohia kara bamona. Unai dainai heai do ia vara lasi neganai, do oi raka siri.

Kara dika tauna ia gwauraia maoro tauna, bona kara maoromaoro tauna ia gwauraia dika tauna, unai tau ruaosi be Lohiabada ese ia badu henidia momokani.