Popular Bible Verses from AONEGA HEREVADIA 16

Share

Oi ura karaia gaudia ibounai totona, Lohiabada do oi noia, ia ese do ia hanamoa gwauraia, unai neganai oiemu palani ibounai edia anina do idia vara momokani.

Tau ta ese iena kudouna lalonai, iena dala ia palania noho, to Lohiabada ese unai tau ena raka dalana, dekenai ia hakaua noho.

Hereva namodia mai bogahisihisi danu, be hani bamona, edia mamina be namo, lauma dekenai, bona tauanina dekenai danu.

Ita taunimanima ese palani ita karaia noho, to Dirava sibona ese iseda palani, ena anina ia havaraia noho.

Haheauka tauna ese, tuari tauna goadana ia hereaia noho, bona ia sibona ena lalona ia biagua noho tauna, ese tuari dekenai hanua ia halusia tauna ia hereaia noho.

Hekokoroku be hadikaia gabuna dekenai ia lao noho, bona sibona ia gwauraia bada tauna, be do ia moru momokani.

Sedira do oi laloa oiemu kara ibounai be maoro, to Lohiabada ese oiemu laloa ibounai ia tahua noho.

Oiemu hadibaia tauna ena hereva do oi kamonai henia, vadaeni do oi kwalimu. Lohiabada do oi abidadama henia, vadaeni do oi moale.

Bema tau ta be mai ena kohu maragina sibona, to mai ena kara maoromaoro danu, be namo. To bema tau ta be mai ena kohu bada herea, to mai kara kerere bona koikoi danu, be dika.

Dala ta ia noho, sedira iena toana oi dekenai be maoro, to iena dokona be mase dekenai do ia lao.

Laloa kerere tauna ese heai ia havaraia noho, bona hadikaia hereva kava gwauraia tauna ese, turana korikori taudia edia turana dala ia hamakohia noho.