Popular Bible Verses from AONEGA HEREVADIA 18

Share

Oiemu hereva ese mauri ia henia diba, bona mase ia mailaia diba. Oiemu hereva ese idia havaraia gaudia, be oi dekenai lalohisihisi o moale do idia henia.

Lohiabada be kohoro goadana hegeregerena. Kara maoromaoro taudia be unuseni do idia heau vareai, bona do idia mauri noho.

Turana haida be turana koikoi taudia sibona, to turana ta ia noho, iena turana kara, ese tadikaka ta ena lalokau ia hereaia noho.

Hahine do ia adavaia tauna ese, gau namona ia davaria inai. Lohiabada ese unai tau do ia hanamoa.

Hereva do oi kamonai guna, gabeai do oi haere. Bema oi haere haraga, oi be kavakava, bona hemarai do oi davaria.

Kavakava tauna ese laloa kehoa ia moalelaia lasi, to ia ura ia sibona ena laloa do ia gwauraia, mai hekokoroku danu.

Bema oi be manau neganai, taunimanima ese oi do idia hanamoa, to hekokoroku taudia edia dokona dekenai, dika momokani do idia davaria.