Popular Bible Verses from Паччагьлугъар-3 18

Share

Гьаму халкьдиз Уву, РАББИ, Заанур вуйивал ва Уву дурарин юкӀвар Увухьна илтӀикӀурайивал аьгъю хьпан бадали, узуз жаваб тув, РАББИ, узуз жаваб тув.

Гъурбан апӀру вахт улубкьиган, Илʼяс пайгъамбар дина гъафнийи, ва дугъу гъапнийи: – РАББИ, Ибрагьимдин, Исакьдин ва Израилин Заанур, Уву Израилиъ Заанур, хъа узу яв гъараваш вуйивал ва гьаму ляхин узу Яв гафниинди апӀувал гъит гъи ашкар ибшри!

Думуган Илʼяс пайгъамбар халкьдихьна удучӀвнийи ва гъапнийи: – Кьюб кусрийиин деъну гъузуз хъана фукьан чалашмиш хьидичва? Эгер РАББИ Заанур вуш, Дугъахъди гъарахай, хъа эгер Баал Заанур вуш – дугъахъди гъарахай. Халкьди дугъаз жаваб вуди гафкьан гъапӀундайи.

Думуган завʼан РАББИЙИН цӀа абхънийи ва вариубгбан гъурбан, гакӀвлар, гъванар ва руг гъургнийи, архнаъ айи шидра кмиди имдарди гъабхьнийи.

Гьадму ляхин дябкъну, вари халкь маш исизди жилиин дабхънийи ва чӀигъар гъапӀнийи: – РАББИ Заанур ву! РАББИ Заанур ву!

Ургубпи ражну гъаравашди гъапнийи: – Гьюллан хлин гагьтӀан аьхюб дару диф гъитӀибккура. Илʼяс пайгъамбри гъапнийи: – Гъарах ва Ахавдиз йип: «Фургъникк гьяйвнар ккитӀ ва уву мархьликк ккадрахъуз гъарах».

Хъа Илʼяс пайгъамбриъ РАББИЙИН кьувват убчӀвнийи, ва, валжагъ юкьвнан чӀуликк ккапӀну, Изреелиз ярхи рякъди думу Ахавдин улихьди гъажаргънийи.

Илʼяс пайгъамбри Ахавдиз гъапнийи: – Гъарах, ипӀин ва убхъ, гьаз гъапиш магьа тӀурфнин сес.

– Гъарах, гьюлин терефназди лиг, – гъапнийи дугъу гъаравашдиз. Думу гъушнийи ва гъилигнийи. – ФукӀа адар, – гъапнийи дугъу. Илʼяс пайгъамбри гъараваш ургуб ражну гъаънийи.

Думуган Илʼяс пайгъамбри халкьдиз гъапнийи: – Йиз багахьна гъачай. Дурар багахьна гъафнийи, ва дугъу дарабгънайи РАББИЙИН гъурбан апӀрушв рас гъапӀнийи.

Ва думуган ичв заануриз ккарагай, хъа узу РАББИЙИЗ ккарагидиза. Фуну Заанури цӀа кичӀибгбиинди жаваб тувиш, гьадму гьякьикьи Заанур ву. Ва вари халкьди гъапнийи: – Уву кӀурайиб ужуб гаф ву.

Илʼяс пайгъамбри йицӀикьюб гъван гъадагънийи, Якьубдилан тина гъахьи тухмарин кьадаркьан. Думу Якьубдихьна РАББИЙИН «Яв ччвур Израил хьибди» гаф гъафнийи.

Лисундин вахтна Илʼяс пайгъамбар дурариин аьлхъюз хъюгънийи: – Ягъалди чӀигъар апӀинай! Думу заанур ву аьхир! Белки, думу фикрарик кахънашул, чӀат душнашул, ясана сефериъ ашул. Хъа, белки, думу даахнашул ва думу хъиргуб лазим вушул.

Думу гъванарикан дугъу РАББИЙИЗ гъурбан апӀрушв дюзмиш гъапӀнийи ва дидин юкьуб тереф кьюб шишал дяхин убшру кьадарнан арх гъеебккнийи.