Popular Bible Verses from Паччагьлугъар-3 17

Share

Гьаз гъапиш гьаци РАББИЙИ, Израилин Заанури, кӀура: «Табтиъ хю ва чӀакьаъ ччим РАББИЙИ жилиина мархь убгъру йигъазкьан адарди хьидар».

Галааддиъ айи Тишба шагьриан вуйи Илʼяс пайгъамбри Ахавдиз гъапнийи: – РАББИЙИИНДИ, узу Чаз гъуллугъ апӀурайи Израилин Заануриинди ху апӀурза, гьаму йисари я чиг, я мархь убгъидар, эгер узу гаф дарпиш.

Илʼяс пайгъамбри дугъаз гъапнийи: – ГучӀ мапӀан, хулаз гъарах ва уву гъапиганси апӀин. Амма сифте яв айибдикан бицӀи лаваш апӀин ва узуз абкъин, хъасин увуз ва яв бализ фукӀа гьязур апӀин.

Дишагьлийи жаваб тувнийи: – РАББИЙИИНДИ, яв Заануриинди, ху апӀурза, узуз уьл адарзуз, табтихъ саб карк хю хъмийиз ва чӀакьаъ сацӀиб ччим имийиз. Магьа, сакьюб гакӀул хьади душну, гьадму хюйкан узуз ва йиз бализ ипӀруб гьязур апӀидиза. Гьадму ипӀидича ва хъасин гашʼан кечмиш хьидича.

– Гьамус Сидондин багахь хьайи Сарепта шагьриз гъарах ва душваъ яшамиш йихь. Увуз ипӀруб тувуз сар ачӀни дишагьлийиз амур гъапӀунза.

РАББИЙИХЬАН Илʼяс пайгъамбрихьна гъафи гафнаъ айиганси, дишагьлийин табтиъ хю ва чӀакьаъ ччим ккудуркӀурдайи.

Дишагьли гъушнийи, ва чаз Илʼяс пайгъамбри гъапиганси гъапӀнийи. Ва гьарсад йигъан Илʼяс пайгъамбризра, дишагьлийин хизандизра ипӀруб ади гъабхьнийи.

Ва думу Сарептайиз гъушнийи. Илʼяс пайгъамбар шагьрин урнарихьна гъафиган, душвахъ гакӀвлар уч апӀурайи ачӀни дишагьли хъайи. Дугъу дишагьлийиз дих гъапӀнийи: – Узуз убхъуз гъабраъди сацӀиб шид аьбкъин.

Уву гъярʼан шид убхъидива. Хъа увуз ипӀруб хуз хъютариз Узу амур гъапӀунза.

Дишагьли гъягъюз хъюгъиган, дугъу хъана дугъаз дих гъапӀнийи ва гъапнийи: – Узуз саб тики уьлра аьбкъин.

Хъютари дугъаз гвачӀнинган ва хябяхъган уьл ва йикк хуйи, хъа шид дугъу гъярʼан убхъуйи.

Саб кьадар вахтналан гъяр убкънийи, гьаз гъапиш уьлкейиъ мархьар ургъурадайи.

Дишагьлийи Илʼяс пайгъамбриз гъапнийи: – Гьамус узуз уву Заанурин инсан вуйиб ва уву гъапи РАББИЙИН гаф гьякь вуйиб аьгъязуз.

Ва дугъу чаз РАББИЙИ гъапиганси гъапӀнийи. Думу Ярдандихьан ригъ гьудубчӀвру терефнаъ айи Керит гъярихъна гъушнийи ва гьадушвахъ гъузнийи.

РАББИЙИЗ Илʼяс пайгъамбрин дюаь гъеебхьнийи, ва балихьна уьмур кьяляхъ гъафнийи, ва думу чӀиви гъахьнийи.