Popular Bible Verses from Паччагьлугъар-3 19

Share

Жилар тӀурччвбан кьяляхъ цӀа гъафнийи, дидиъра гьеле РАББИ адайи. ЦӀин кьяляхъ гъюдли фишфишарин сес гъабхьнийи.

Хъа учв буш чюлиз сад йигъандин рякъюн манзилназ гъушнийи. Думу душвахьна гъафнийи ва ялгъузди айи рукчикк деънийи ва, чаз аьжал ккун апӀури, ккарагнийи: – Сарун чӀяаьн ву, РАББИ, йиз уьмур гъадабгъ, узу йиз архйиртӀан ужур дарза аьхир.

РАББИЙИ жаваб тувнийи: – Гъарах ва дагъдиин РАББИЙИН улихь дийигъ. РАББИ багхьантина гъягъиди! Ва магьа гъурхулу, кьудратлу микӀру дагълар гъутӀуркӀнийи ва РАББИЙИН улихь гъарзар тикйир гъапӀнийи, амма дидиъ гьеле РАББИ адайи. МикӀран кьяляхъ жилар гъутӀурччвнийи, амма дидиъра гьеле РАББИ адайи.

Думу гъеебхьиган, Илʼяс пайгъамбри валжгъихьди маш элебкнийи, гъудужвнийи ва хьаран гурзлиин дийигънийи. Ва дугъахьна сес гъафнийи ва дугъаз гъапнийи: – Уву мушваъ гьапӀрава, Илʼяс?

Душвахь думу хьараъ учӀвнийи ва гьадушваъ йишв адапӀнийи. Ва магьа дугъаз РАББИЙИН гаф ашкар шулу: – Уву мушваъ гьапӀрава, Илʼяс?

Думу гъудужвнийи, гъипӀнийи ва шид гъубхънийи. Гьадму хураг ипӀбиинди думу ягъчӀвур йигъан ва ягъчӀвур йишван рякъюъди гъушнийи, тап Заанурин дагъ Хуривдихъна хъуркьайизкьан.

Хъасин Илʼяс пайгъамбар гьадму рукчикк дахънийи ва гъаахнийи. Сабпну малайик дугъак куркӀнийи ва гъапнийи: – Гъудужв ва ипӀин.

РАББИЙИН малайик кьюбпи ражну гъафнийи, дугъак куркӀнийи ва гъапнийи: – Гъудужв ва ипӀин, дархьиш рякъ увуз лапра гизаф гъагъиб хьибди.

Илʼяс пайгъамбри жаваб тувнийи: – Узу РАББИЙИЗ, Заварин Кьувватарин Аьхюриз, юкӀв убгури гъуллугъ гъапӀунза. Израилари Увухъди вуйи йикьрар чӀур гъапӀну, Яв гъурбан апӀрушвар гъарагъну, хъа Яв пайгъамбрар турихъди йивну гъакӀну. Анжагъ сар узу гъузунза, ва дурари узура йивну йикӀуз чарйир агура.

Илʼяс пайгъамбар кьяляхъ илдицну гъилигнийи – ва магьа дугъан кӀулихъ аржлариин дубжнайи лаваш ва шид айи гажин хъайи. Дугъу уьл гъипӀнийи, шид гъубхънийи ва хъана дахънийи.

Изавели Илʼяс пайгъамбрихьна гьамци пуз чархачи гьаънийи: – Гъит, заанудари узуз ижми жаза туври, эгер закур гьаму вахтназ узу увкан уву пайгъамбрарикан гъапӀуб дарапӀиш.

Хъа Узу Израилиъ Баалин улихь кьамкьариина ис дархьи ва дугъан бутариз макар дарапӀу ургуд агъзур инсан гъюрхюнза.

Илʼяс пайгъамбар душвхьан гъушнийи. Ва дугъаз Шафатдин бай Элиш гъидихънийи. Дугъу, йицӀикьюд жут йицар ккитӀну, хутӀил хъапӀрайи, хъа учв йицӀикьюдпи жутнахъди гъягъюрайи. Илʼяс пайгъамбар дугъан багхьантина гъушнийи, ва дугъу чан валжагъ Элишдин илипнийи.

Думуган Элиш кьяляхъ гъушнийи, дугъу жут йицар гъурккнийи. Дурцин гакӀвларин цӀа алапӀнийи, йикк гъубхьнийи ва инсанариз пай гъапӀнийи, ва инсанари думу гъипӀнийи. Дидин кьяляхъ Элиш Илʼяс пайгъамбрихъди гъягъюз рякъюъ учӀвнийи ва дугъан гъараваш гъахьнийи.

Думуган Элиш, йицар дирчну, Илʼяс пайгъамбрин кьяляхъди гъажаргънийи. – Адашдиз ва дадайиз баркаллагь пуз ва мак апӀуз узуз ихтияр тув, – гъапнийи дугъу, – хъасин увухъди гъидиза. – Гъарах, кьяляхъ гъач. Узу уву дерккрадарза, – жаваб тувнийи Илʼяс пайгъамбри.