Popular Bible Verses from Isaiah 42

Share

"Keimah TOPA in thumaanna tawh nang kong sam khin hi; na khut ka lenkip ding hi. Nang hong kemin mite adingin thukhun Gentile-te adingin khuavak kong suaksak ding hi. Mittawte mit honsak ding, thong sung pan le thong hawmpi sunga khuamial laka tute a khahkhia ding na hi hi.

"Keimah TOPA ka hi hi; tua in ka min ahi hi! Ka minthanna midang khat tungah ahikeh hong kiphatna milimte tungah ka pia kei ding hi.

"Hih lai-ah ka letkip, ka lungkimna, ka telsa ka nasempa a om hi. Ama tungah ka Kha ka koih dinga, amah in minamte tungah thutang a puak ding hi.

A kisat liamsa pumpeng kuaitan loin, a tang kiukiau meivakkhau a mutmit kei ding hi. Muanhuaina tawh thutang a pusuah khia ding hi; Leitungah thutang a kipsak khit mateng ngaklah loin a lungkia kei ding hi; tuikulhte in ama thukham a lamen ding uh hi," a ci hi.

Keimah in mittawte a theih ngei lohna munah ka pi dinga, a tawt nai lohna lampi ah lam ka hilh ding hi; amaute mai-ah khuamial khuavak ka suaksak dinga, aham lampite ka nelsak ding hi. Ka sep ding nate hihte ahi hi; amaute ka nusia kei ding hi.

En in, a ma-a nate piang khin a, a thak nate kong genkhia hi; amaute mihingin a pian ma-un note tungah kong zasak khin hi," a ci hi.