Isaiah 42
42
TOPA’ Nasempa
1"Hih lai-ah ka letkip,
ka lungkimna, ka telsa ka nasempa a om hi.#Isa 20:3, Isa 43:10; 1Pe 2:4,6
Ama tungah ka Kha ka koih dinga,
amah in minamte tungah thutang a puak ding hi.#Pc 49:10; Isa 9:7
2 Amah in lamlian dungah a aw sangsakin
awng lo, kiko lo ding hi.
3 A kisat liamsa pumpeng kuaitan loin,#Isa 36:6
a tang kiukiau meivakkhau a mutmit kei ding hi.
Muanhuaina tawh thutang a pusuah khia ding hi;#Ph 72:2; 96:13
4 Leitungah thutang a kipsak khit mateng#Isa 2:4
ngaklah loin a lungkia kei ding hi;
tuikulhte in ama thukham a lamen ding uh hi," a ci hi.
5 Vante piangsakin tuate a zalpa,
leitung phah a, a sung pana piangkhia khempeuh#Ph 24:2
a piangsakpa leitung mite tungah huu a guanpa
le a tunga lampai khempeuh nuntakna a piapa -
Pasian TOPA in:
6 "Keimah TOPA in thumaanna tawh nang kong sam khin hi;#Isa 43:1
na khut ka lenkip ding hi.
Nang hong kemin mite adingin
thukhun Gentile-te adingin
khuavak kong suaksak ding hi.#Isa 26:3, 49:8
7 Mittawte mit honsak ding,
thong sung pan le thong hawmpi sunga
khuamial laka tute a khahkhia ding na hi hi.#Ph 107:10,14
8 "Keimah TOPA ka hi hi; tua in ka min ahi hi!#Pk 3:15
Ka minthanna midang khat tungah
ahikeh hong kiphatna milimte tungah ka pia kei ding hi.#Isa 48:11; Pk 8:10
9 En in, a ma-a nate piang khin a,#Isa 41:22
a thak nate kong genkhia hi;
amaute mihingin a pian ma-un
note tungah kong zasak khin hi," a ci hi.
TOPA Phatna La
10 Tuipi sunga paisukte le tuipi sunga omte,#Isa 11:11
no tuikulhte le a sunga tengte khempeuh aw,
leimongte panin amah phat unla,#Isa 49:6
lathak khat TOPA sak un.
11 Sehnel-gam le a khuapite, Kedar mite tenna-a tengte
lungdamin a aw uh sangkhaisak un.#Isa 32:16
Sela mite lungdamin lasa uh henla;#Isa 52:7
mual liante dawn panin awngsak un.
12 TOPA minthanna amaute gensak unla
tuikulhte ah amah phatna tangkosak un.#Ph 26:7; 66:2
13 Mi thahatpa bangin TOPA kuankhia a,#Isa 9:6
galhangpa bangin deihluatna sosak dinga;#Isa 26:11
galphawnna aw khatvei kiko in#Hos 11:10
a galte a zo khin ding hi.#Isa 66:14
14 Sawtveipi ka dai khikhe khin a;#Ph 50:21
kei le kei kidek tentanin ka kidaisak hi.#Pc 43:31
Ahi hangin tu-in numei nausuak bangin
kiko khia-in ka tungnak hathat hi.
15 Mualliante le mualneute ka mangthangsak dinga
anteh-sawlbawk khempeuh ka keucipsak ding hi;#Eze 38:20
gunte tuikulh ka suaksak dinga,
bualte ka keucipsak ding hi.#Isa 50:2
16 Keimah in mittawte a theih ngei lohna munah ka pi dinga,
a tawt nai lohna lampi ah lam ka hilh ding hi;
amaute mai-ah khuamial khuavak ka suaksak dinga,
aham lampite ka nelsak ding hi.#Lk 3:5
Ka sep ding nate hihte ahi hi;
amaute ka nusia kei ding hi.
17 Ahi hangin milimte a muangte,
milim tungah, "Nang kote pasian na hi hi," a cite,
kilehkiksakin a maizum mahmah ding uh hi.#Ph 97:7;Isa 1:29; 44:11
Mittaw a Bilngong Israel
18 "No bilngongte aw za un;#Isa 35:5
no mittawte aw en unla mu un!
19 Ka nasempa lo kua mittaw a,
kamtai-a ka sawlpa bangin kua bilngong ahi hiam?#Isa 44:26
Kei tunga hong kiciampa bangin kua mittaw a,#Isa 26:3
TOPA’ nasempa bangin kua mit taw ahi hiam?
20 Na tampitak na muh khit hangin na thusim kei hi;
Na bilte vak napi bangmah na za kei hi,"#Jer 6:10
21 Ama thumaanna khualna-in
a thukham liansaka minthansak ding TOPA lungkimna hi.#tg 4; 2Co 3:7
22 Ahi hangin hih mite a kibuluh neihsa a kisutte hi uh a,#2Ku 24:13
amaute khempeuh duma thang kisiah
ahikeh thong sunga kiselte ahi uh hi.
Amaute a hu ding a om lo a
kiluhgawpte suak uh a,
kuamah in, ‘Hong khak kik un,’
a cih loh van kisutte a suak uh hi.
23 Mailam hunah hih thu a ngai ding
ahikeh a thusim cinten ding kua na hi uh hiam?#Isa 48:18
24 Kua in suhgawp dingin Jacob pia a,
a buluhte tungah Israel pia ahi hiam?
A tunga i mawhnapa
TOPA hi lo ahi hiam?
Ahang in, amaute in a lampi zui lo uh a;#Isa 30:15
a thukham a mang kei uh hi.
25 Tua ahi ciangin amaute tungah a hehna kuanglai le
a gal ngongtat a sungkhia hi.#2Ku 22:13
Meikuang in tuamcip napi amaute in a theitel kei uh hi;#2Ku 25:9
amaute kang napi ngaihsutin a nei kei uh hi.
Currently Selected:
Isaiah 42: ZIV
Highlight
Copy
Compare
Share
Want to have your highlights saved across all your devices? Sign up or sign in
Copyright 1994 Myanmar Center for World Mission
