Popular Bible Verses from Isaiah 43

Share

En un, na a thak ka bawlbawl ta hi; tu-in a mengkhia ta hi phawk lo na hi uh hiam? Sehnel-gam ah lampi ka sial dinga gamtul ah luite ka luangsak ding hi.

Tui na ngahtan uh ciangin no tawh ka om dinga; gunte na ngahtan uh ciangin hong tai kei ding hi; meikuang lak kantanin na pai uh ciangin hong hul kei ding hi; meikuang in nang hong kang kei ding hi.

"A tungsa nate mangngilh un, a beisate tungah na lungsim uh tengsak kei un.

Ahi hangin, tu-in hih in TOPA gen ahi hi - Jacob aw, note hong piangsak amah hi a, Israel aw, note hong bawl amah hi: "Note hong tankhin ka hi manin lau kei un; na minun kong sam khin a; note kei aa na hi uh hi.

Ka muhna ah manpha in kong pahtawi nungsang le nang kong itna hangin nang khekna-in mite ka pia dinga, na nuntakna khekna-in mihingte ka pia ding hi.

Ahang in, keimah in TOPA note Pasian Israel Siangtho Pa note Honpa ka hi hi; nangmah tatna-in Egypt ka pia a, nang tangin Cush a le Seba ka pia hi.

Hong ompih ka hi manin lau kei in; nisuahna panin na tate kong puak dinga, nitumna panin nang kong kaikhawm ding hi.

Kei mahmah ka kikhualna-in na thupalsatnate uh hong paihsak keimah, kei mahmah in na mawhnate uh ka ciamteh nawn kei hi.

"Note ka teci na hi uh hi," TOPA in cikhia a, "kei in amah ka hilam thei-in um a nong theihtel nadingun kong teelsa ka nasempa na hi hi. Kei om ma-in Pasian kibawl lo a, kei om khitin zong khat beek a om tuan kei hi.

Kei, keimah TOPA longal honpa dang a om kei hi.

Hi hi, tangtawnga kipan kei amah ka hi hi. Ka khut panin kuamah in a hukhia thei kei hi. Na ka sep ciangin kua in hong phelkik thei ahi hiam?" a ci hi.

Gamsate - ngiate le kala-oh vasate in kei hong pahtawi ding uh hi, bang hang hiam cih leh sehnel-gam ah tui ka pia a, gamtul ah luite luangsakin, tua pen kei mahmah in ka bawlsa, ka teelsa ka mite in kei phatna a tangko theih nadingun amaute dawn dinga ka piak ahi hi.

Leilu-lam kiangah, ‘Amaute piakhia un,’ ci in, leitaw-lam kiangah, ‘Amaute lehkaih kei un,’ ka ci ding hi. Gamlapi panin ka tapate, leimongte panin ka tanute - ka minthan nadinga ka piansakte, sutuah a ka bawlte, ka mina kilote peuhmah hong puak un,’ ka ci ding hi," a ci hi.

TOPA cih hih ahi hi - amah tuipi kantana lampi sialpa, tuihat kantana lampi bawlpa, sakolte le sakollengte, galkapte le kihutnate khempeuh nawhkhia a, a tho kik nawn lo dingin tua lai- ah a lumsak, meivak khau sukmit banga sumitpa

Keimah TOPA, note Siangtho Pa, Israel a Piangsakpa, note kumpipa ka hi hi," a ci hi.