Popular Bible Verses from Isaiah 41

Share

Tua ahi ciangin lau kei un, note tawh ka omkhawm hi; Na tha uh hong dimsakin kong huh ding hi; note Pasian ka hi manin kilungneusak kei un. a thumaan ka taklam khutin kong len gige ding hi.

Ahang in, keimah in TOPA note Pasian na khut taklamun hong lena note kiangah, Lau kei un, kong huh ding hi, hong cipa ka hi hi.

"No tunga hehte khempeuh maizumin a zahlak taktak ding uh hi; no hong langneihte bangmah hi loin a mangthang ding uh hi.

leimong panin note kong pikhia-a a gamlapen kiu panin kong sam hi. ‘Nang ka nasempa,’ kong ci-a nang hong teel khinin kong nolh kei hi.

Na galte na zon hangin amaute na mu kei ding hi. Note langa galphuang nuamte bangmah lo bang hi ding uh hi.

Tangtel lel Jacob aw, aneu Israel aw, keimahmah in hong huh ding ka hi manin kihta kei in," note Tanpa, Israel-te Siangtho Pa, TOPA in a cikhia hi.

"Ahi hangin nang ka nasem Israel aw, kong teelsa Jacob aw, ka lawmpa Abraham suante aw

Keugawtak lak mualsang ah gunte ka luangsak dinga, kuam sungah ciktui ka phulsak ding hi. Sehnel-gam bualtui ka suaksak dinga, leikeu, ciktui ka suaksak ding hi.

"Mizawngte le a tasamte in tui a zon uh hangin bangmah a om kei hi; a dang uh taka a leii uh a keu hi. Ahi hangin keimah TOPA in amaute ka dawng ding hi; keimah Israel-te Pasian in ka nusia kei ding hi.

A tunga kipanin a khangkhangin samkhia a, lam tawntunga a tonpih kua a hiam? A tungin amaute a ompih keimah TOPA ka hi a - a tawpna lah keimahmah ka hi hi."

Sehnel-gam ah tamtak, singkha, mui le olive-te ka posak ding hi. Gamtulte ah tak, hiangpa le taksan ka posak khawm ding hi; tua pen mihingte in TOPA khut in hih bawl khin a, Israel-te Siangtho Pa in a piansak ahi hi, ci-in mu a, ngaihsun thei in a theihtel nading uh ahi hi.