Popular Bible Verses from Efesyus 4

Share

Amnihaknay pawtak akak madikte yamnihra. Bayahminaknay pawtak ariw yitaraksan hawata ku samah Kiyavwiye Uhokri bayahminevwiy ariw utaraksanwiy awaku ku samah wixwiy pahavwiwa gikak Cristo.

Ikawnay tuwatevye huwipegevye. Kiyaknihwanay pawtak. Ka yi muwaka kiyimwihwa akak hiyeg gitaraksankis, heneme yis amavin akak madikte yamnihra.

Ka ba yi isaksa pahatnema iwit mbeyevyema pes yibiyaptak. Heneme awnanay ku pariye kibeyne iwit adahan wagahkisne gawaygikis neras ku kakak yis kinetihwene. Awnanay adahan ikene gibunugakis.

Ka yi muwaka misakwa kanaktinbetnema akiw. Ka yi muwaka kamabyanaw akiw. Ka yi muwaka misakwa dagawnawbetnema akiw. Ka yi muwaka iki iwetrit arit karatonka ine arit kanumtaki ine arit amiyhawka.

Ku yis ka batek akak pahavwi gihiyekemni, ka yi muwaka kiyimwihwa nikak adahan in taraksasevyi. Miyehpini kibehtenwa avit misanpi. Ka yi muwaka iki iwetrit arit wavitye gihiyekemni ay abet yihiyekemni.

Nikwe padekwinay yihiyekemni minikweknene ku pariye ke wotbe tiviknene mbeynene awaku in kinikiswa arit yivit amirihwan. Wagesnay inere yihiyekemni kuri adahan nukunewa hiyakemniki akiw. Kawihminawnay takunipti akak ini yihiyekemni nukune ku pariye igwa Kiyavwiye Uhokri iki uvititwiy. In kewa gidahan gihiyekemnibe. Ini hiyakemniki ka adahanma waditnevyenenma. In inyewa. In keh wixwiy wew barewvitye waditye.

Huwithasanay yihiyekemni git Kiyavwiye Uhokri Gitip adahan ig tuguhkis yihiyekemni pahatwowa. Misakwanay ahegbet adahan tuguhkis yihiyekemni pawtak. Pasamraknay pawtak.

Aytohtak inuriktak ig kakanhaw gitkis hiyeg. Ig iki givititkis waytakwiy gannu adahan ignes humaw Uhokri giwatnivwi. Givititkisme waytakwiy ig iki gannu adahan ignes humaw Uhokri gawnevevu. Givititkisme waytakwiy akiw ig iki gannu adahan ignes wagesnes hiyeg gidahan Kiyavwiye Uhokri. Givititkisme waytakwiy akiw ig iki gannu adahan ignes giwewkistenkis gihiyegavu. Givititkisme waytakwiy akiw ig iki gannu adahan ignes gikannuhtenkis gihiyegavu. Ig iki ini gannu uvitwiy wixwiy gihiyegavu adahan wahegbeteptenwiy kannivwiye gidahan, marihwa wixwiy wagahkis uhiyekemniwiy pawtak. Amun ini in ke wotbe Cristo givit aymuhwabe. Wixwiy tiviknene hene he wixwiy madikte kamaxwa givitit Kiyavwiye Uhokri gikamkayh kabayntiwa, he wixwiy pehetenene uhiyekemniwiy gikak, he wixwiy wageswe kiyavwiyebetnawa abet uhiyekemniwiy avigkutavrik ku samah Cristo gihiyekemni.

Gimawkan wixwiy ka miyeh ini uhiyekemniwiy kibehtenwatma kema bakimnayhma. Ku uhiyekemniwiy hene, wixwiy humaw kewa parawbe kabobohwe awaku mayg. Ik adahan wixwiy kinikiswa gitkis hiyeg ku pariye wasaymaw wotwiy adahan ukinseptenwiy. Heneme gimawkan wixwiyme awna inyewa iwit akak Kiyavwiye Uhokri gamnihra ay uvitwiy. Ig muwaka wixwiy wageswa hawata ke Cristobe, uhiyekemniwiy avigkutavrik ku samah gihiyekemni. Mmanawa ignewa Cristo utewiy.