Nah piriyepkaw git adahan ig ikene yawaygi akak gabay kibeynewatnene adahan yis humaw awaygye abet yihiyekemni giwntak Gitip.
Adahan ig Cristo misakwa kabayntiwa ay avit yiyakni awaku ku samah yis kamaxwene givitit. Numawkan yis amava gamnihra kabayntiwa adahan in misakwa ay yivit ku samah ah ahanpabet mutuhwa kabayntiwa waykekut, in ka isahkiswa niw aynesnima.
Ayge nikwe yis payak gikakkis madikte gihiyegavu barewvityevwi yis ik adahan pukuha kabayntiwa ku samah in Cristo gamnihra. Mmanawa ini gamnihra in ka ayabawkasima, in ka avugbokanisima, in ka amihnisima, in ka amunisima akiw.
Hiyawa wis ka hiya wisma pukuhpin madikte, heneme numawkan yis hiyakni kabayntiwa. Numawkan igwa Kiyavwiye Uhokri kawihkiswa yivitit pahavwite.