Popular Bible Verses from Efesyus 5

Share

Wixwiy Kiyavwiye Uhokri gikamkayuvwi gibetkivu. Ku samah ukamkayh gibetki ig ahehpaw, hawata amawka ku wixwiy ahehpa Kiyavwiye Uhokri. Amawka wixwiy wew akak wamnihra hawata ku samah Cristo ka gamnihrasima ukakwiy. Ig umahkiswe udukwenavrikwiy adahan katiwnihpiye utaraksanwiy. Ini gamnihra keh Kiyavwiye Uhokri bateke ginaktin ke wotbe ig ayhpiyebe imihgi.

Avuriwnabay yihiyekemni ba in kabayntiwatma. Ka yi muwaka wew akak hiyakemniki puwvuki. Heneme wewnay akak kibeyne hiyakemniki. Ku avim inin wixwiy abet kiyimwiki. Nikwe amawka ku wixwiy keh kibeyne annivwit gidahan Kiyavwiye Uhokri takunipti. Ka yi muwaka biyuksa pahaynema hawkri gidahan.

Ka ba yi uwkihwa akak higapka adahan in kumaduka yihiyekemni. Mmanawa in hiyapkis ka aynsima mbeyne wot. Heneme wewnay takunipti gitiphaw Kiyavwiye Uhokri adahan ignewa kumaduka yihiyekemni. Kinetihwanay pawtak akak avat gidahan Kiyavwiye Uhokri. Paknay avat kiyathene Kiyavwiye Uhokri. Paknay akak Kiyavwiye Uhokri Gitip. Paknay, agighanay git Ukivarawiy avititakwa yiyakni. Kabayhanay Wigwiy Kiyavwiye Uhokri giwavrik Ukivarawiy Jesus Cristo. Avanenekwa kabayhig adahan madikte ku pariye danuh yit.

Ka yi muwaka ikaw kema hiyegma ku pariye kane hiyak hawkri. Aharitnay adahan yis hiyak ku pariye Kiyavwiye Uhokri gimawkan yit.

Yis awaykemni, amnihnay yihayo kabayntiwa hawata ku samah Cristo amnihwiy wixwiy gihiyegavu. Ig amnihpewiy he ig umahkiswe udahanwiy.

Amawka wixwiy ka amava patahwaki abetit uhiyekemniwiy mmanawa kabutniki ka amava amisnavye nibetit. Minikwak wixwiy ke wotbe uhiyekemniwiy ay abet amisnavyenen. Kurime in ke wotbe uhiyekemniwiy ay abet kabutnikibe awaku ku samah wixwiy pahavwiwa gikak Ukivarawiy. Nikwe wewnay akak kibeyne hiyakemniki akak yihiyekemni ke wotbe kabutennebe.

Ihpaknay pawtak awaku ku samah yis kiyatha Cristo.

Yis tinogben, ihpanay yigihgi giwn kabayntiwa hawata ku samah yis ihpa Kiyavwiye Uhokri giwn.

Heneme in hawata arakak udahanwiy. Amawka mpuse awayg amnih gihayo hawata ku samah ig amnih givit. Egme gihayo amawka eg kiyatha gugihgi.

In Uhokri gannasan awna: — Ku aysaw pahavwi awayg maripkaw, ig tivik giw gig gukak ginag. Ig hamah gukak gihayo. Amun ini nikwe egkis piyamate humaw ke wotbe egkis pahavwiwatbe guvitkis.

Heneme ku pariye hiyeg misanap gihiyekemnikis, ignes gikehnikis waditnevyenen. Yuma kabayka abet gihiyekemnikis. Yisme ka yi muwaka amava ini gihiyekemnikis waditnevyenen. Heneme kehnay igkis hiyaka gitaraksankis akak yihiyekemni kibeynewa.