Popular Bible Verses from Kolosenses 3

Share

Ka yi muwaka kiyimwihwa akak hiyeg gitaraksankis. Bayahminanay neras ku pariye taraksevye yikak hawata ku samah Ukivarawiy bayahminawiy.

Nikwe uyay ka ivegmina uhiyekemniwiy amin ku pariye amedgenema inin. Uyay ivegmina uhiyekemniwiy amin ku pariye aynte inurik.

Ku pariye yis keh, kehnibay akak madikte yibetki. Kannivwinay ke gidahanbe Ukivarawiy Kiyavwiye Uhokribe, ke wotbe yis ka kannivwiyema gidahan hiyegima amadgaya inin.

Wixwiy Kiyavwiye Uhokri gibetkivu. Wixwiy barewvityevwi giwtrik Kiyavwiye Uhokri. Ig batek ukakwiy. Nikwe uyay kawihminaw akak gihiyekemni. Amnihaknay, kehnay kabayka pawtak. Ikawnay tuwatevye huwipegevye. Kiyaknihwanay pawtak.

Kamaxnay Cristo giwn kabayntiwa abet yihiyekemni. Kannuhaknay, hiyakemnihaknay pawtak akak madikte Uhokri gihiyekemni. Kannuhaknay amin ini gihiyekemni abetnewa yavanwekwey hawata. Paknay avat kanumne Kiyavwiye Uhokri. Paknay avat kiyathene Kiyavwiye Uhokri. Paknay akak Kiyavwiye Uhokri Gitip. Kabayhanay Kiyavwiye Uhokri yavanwekwey avititakwa yiyakni. Madikte ku pariye yis keh, kehnibay akakwa Kiyavwiye Jesus gihiyekemni. Madikte ku pariye yis awna, awninnabay akakwa Kiyavwiye Jesus gihiyekemni. Kabayhanay Wigwiy Kiyavwiye Uhokri akak gihiyekemniwa Kiyavwiye Jesus.

Nukebyuvwi, wewnay akak Kiyavwiye Uhokri gamnihra ay yivit. Yuma hiyakemniki pi kabayte ariw ini. Ininewa keh wixwiy pasamrak pawtak kabayntiwa.

Wixwiy uhiyekemniwiy nukune in ke wotbe in kuwis kannikawbe payak gikak Cristo. Kuri nikwe uyay mpiksaw wew akak hiyakemniki inurikyene. Mmanawa ig Cristo kuri ig ayntehan inurik. Ig kumadukene ayge gihumwa Kiyavwiye Uhokri ayge amun ini iwetrit ku pariye kane nikiytanisima kihehaptak.

Isaksanay Cristo kisevyih yiyakni adahan yis pasamrak pawtak takunipti. Adahanikwa ini ig Kiyavwiye Uhokri humekwewiy gimkat. Mmanawa wixwiy Cristo givit. Amawka wixwiy pasamrak pawtak nikwe ke pahavwi hiyeg giwanbetbe. Kabayhaknay pawtak. Kabayhanay Kiyavwiye Uhokri avanenekwa.

Nikwe umahkisnay ini yihiyekemni amadgaya inin git Kiyavwiye Uhokri. Ka yi muwaka iveg adahan mahayakemniki, patahwaki, sigiska, kinikwaki. Ka yi muwaka miyarhaw aharit ariknawnema amedgene inin. Ku yis miyarhaw aharit pahat arikna, amun ini yis pi batekte akak ini arikna mpiy giw Kiyavwiye Uhokri.

Mmanawa wixwiy ke wotbe wixwiy kuwis miyarap ariw inin hawkri. Woskawniwiy kuri aynte gimun Cristo, aynte gimun Kiyavwiye Uhokri ku kiney hiyeg amadgayavu inin kotenene hiyapte.

Heneme kuri yis ka henema akiw. Nikwe miniwvinay ariw madikte patahwaki. Ka yi muwaka misakwa dagawnawbetnema akiw. Ka yi muwaka kamabyanaw akiw. Ka yi muwaka iki iwetrit arit amiyhawka arit kanumtaki. Ka yi muwaka isaksa pahatnema iwit mbeyevye pes yibiyaptak.

Ka yi muwaka kinisak pawtak akiw mmanawa kuwis yis padeke yihiyekemni amadgaya inin payak akak nikehni. Kibeyne, kuwis yis kawihminaw akak yihiyekemni nukune. Ini yihiyekemni nukune in aymuhwene akak Uhokri gihiyekemni he ku aysaw in wageswanek avigkutavrikut ku samah gihiyekemni. Mmanawa ignewa ahumten ini uhiyekemniwiy nukune.

Yisme awaykemni, amnihnay yihayo. Ka yi muwaka kanaktinema gukakkis.

Yisme bakimnayh, ihpanay madikte yig giwn. Ihpanay yinag guwn madikte. Henewa Kiyavwiye Uhokri ikiswanaw yidahan. In keh ig batek.

Yis tinogben, ihpanay yigihgi giwn kabayntiwa ku samah Ukivarawiy ikiswanaw yidahan.