Popular Bible Verses from Kolosenses 2

Share

Ig Cristo Jesus ignewa Ukivarawiy. Yis kuwis amevevgi kabayntiwa. Kuri nikwe wewnabay pahavwiwa gikak takunipti. Kamaxwanay givitit Cristo kabayntiwa hawata ku samah ah ahanpabet mutuhwa kabayntiwa waykekut. Aymuhwanay akak gihiyekemni. Misakwanay kabayntiwa akak ini yikamaxwan ku samah yis kuwis kannuhka. Ka yi isahkisni aynesnima. Amun ini kabayhanay Kiyavwiye Uhokri akak madikte yibetki.

Pukuhpawnabay gavitkis ku pariye hiyeg ayta yikinsetni akak gidahankiswa gihiyekemnikis ku pariye kane kibeynema waditnevyenen. Inakni gihiyekemnikis pes giwntakis hiyeg gihiyekemnikis amadgayavu inin. Hawata in pes giwntakis neras wavityempu ku pariye kumadukanevwi inin hawkri. In ka giwntakma Cristoma.

Henewa nukebyuvwi, minikwak ke wotbe wixwiy miyarevyebe giw Kiyavwiye Uhokri awaku utaraksanwiy gikak, awaku ku samah wixwiy kumadukasaw arit uhiyekemniwiy amadgaya inin abetki. Heneme, kibeyne ig Kiyavwiye Uhokri ke wotbe ig kannikasawiybe ariw miyaka ig keh wixwiy aymuhwa akiw payak gikak Cristo. Mmanawa ig kuwis bayahminevwiy ariw madikte utaraksanwiy. In ke wotbe madikte utaraksanwiy tamak amadga pahak kagta. Hawata in tamak ku pugamawka wixwiy miyarap avatra ini utaraksanwiy. Igme Kiyavwiye Uhokri menpin madikte. In ke wotbe ig deddehpin aminat Cristo giyakni adahan in yuma ay akiw.

Mmanawa ig Cristo igi pahavwitewa Uhokri ay. Nikwe ku samah wixwiy pahavwiwa gikak Cristo, wixwiy yuma ariknawnema muwekne wotwiy akiw. Ikeyvi kuwis. Mmanawa ig Cristo gavitminkis madikte wavityempu gikivarakis. Ig gavitminkis madikte kumadukanevwi inin hawkri.

Nikwe ka yi muwaka iha giwnkis neras hiyeg ku pariye awna yit: “Yis ka Uhokriyanvuma, mmanawa yis ax im ku pariye ka kabay adahan wis ax, yis higap higapka ku pariye kawnata kabay. Yis ka Uhokriyanvuma, mmanawa yis ka fetya ukakuh gidahan Kiyavwiye Uhokri. Yis ka Uhokriyanvuma, mmanawa yis ka kiyatha samdi yis kawnata kiyatha ameremnit.” Nukebyuvwi, inakni kumadukaki amadgaya inin in ka kawih udahanwiy ku akak inin. In ke pahavwibe ig waywe ganmap pitatimpi gavit. Ganmap ka ignema ig awayg. In he areketninen adahan ku pariye nehmnikuhpiye. Inakni judeyenevwi gikumadukankis in hawata in he areketninen gidahan Cristo ku pariye nehmnikuhpiye. Kuwismeki ig Cristo danuh. Nikwe ini ku pariye kene ganmapbe in ka ariknawnema wotwiy akiw.