Popular Bible Verses from Kolosi 3

Share

Dɛ he bini bɛlbwa ne o dɔŋ dɔ waa aa, ó lawɛ bambile dɛ́ kpɔ kɛo. Gɛ Korowii aa kpɔ he wechɔɡa kɛ heyaa la, ɡɛɛ chɛ kɛ he ɡe kpɔ dɔŋa kwaa dɛ́ɛ kɛ ba.

Hé ɡel he liire bwa do kwaa aa lɔ nyundua la ta, dɛ́ ɡel kwaa aa lɔ harɛ nɔ ta

Wobɛlbwa haa dɛɛ ɛ la, hɛ́ɛ ɛa bambile bwa ne kɛŋɔ he Dɔɔ Yeesu Kristoo he ɛ dɛɛ tɛ. Nɛn laa he ɛ dɛɛ tɛ.

Heyaa Korowii bidɛɛɡa waa le heyaa tɛ o te, dɛ laa he doŋa bwa kpɔ he nɛ, dɛɛ nyin heyaa kɛrɛdɛ. Anomanta, hé kpoŋe dadɛɛɡe dɛ́ dɔ tedoma, dɛ́ ta tea dɛ́ɛ tɛ dɔŋa, dɛ́ɛ pwɛr he te, dɛ́ɛ tɛ nɛra sie, dɛ́ dɔ bambile tɛɛ ba.

Hé ɡel Yeesu Kristo waa la do he bambile bini kɛrɛdɛ hɛ́ɛ baɡle dɔŋa, dɛ́ɛ ja ba wejema bwa ne, dɛ́ ɡo wesoŋa yela ne kpɛɛra yela dɛ́ɛ jam Korowii he bambile bwa. Wobɛlbwa haa dɛ ɛ ne anɔ la bwa haa dɛ bol la, hɛ́ɛ ɛa ya Dɔɔ Yeesu sɔn ta, dɛ́ che o nɛɛ dɛ́ɛ jam o Mɛɛ Korowii.

Anɔ nɔ habɔɔ, hɛ́ɛ nyin nɛn. Nɛnnyinii dɛ́ won ɡel he dɔ nyopɛo dɛ́ ɛ anɔ bwa kɛrɛdɛ ka tonɛ.

Dɛ he ne Yeesu Kristo bwaa pɛa ir seo ta te naa, amɔ te hé swɛɛ siwi dɛ́ ɡel he bambile che kwaa aa lɔ nyundua la ta. Belaa Yeesu do dɛ so nomombɔr Korowii diɡ ta.

Hé ɡel nyopɛo waa aa le Yeesu Kristo be la do he bambile bini wobɛlbwa ta, dɛkalkɛŋɔ Korowiirii yerɛ heyaa ŋɔ hé bwa ɛ beŋkpoŋ dɛ́ dɔ nyopɛo. Hé ɡel he sie ɛɛ su waa waa ɛa tɛ heya, hɛ́ɛ jaamo.

Anomanta, hé ɡel he harɛ nɔ ta dor bwa ta kwaraa. He bɛ he bwadabii kpɔ do jwamane, ne wedoŋa, ne kayɛɡlɛ, ne pɛlchɔɡa, dɛ kwaa ta sibeɡra ta. Kwaa ta sibeɡra do kɛŋɔ voɡa toma ken.

dɛkalkɛŋɔ he do kɛŋɔ nɛra baa serewa a bɔr, he toole a ta kpa. He mkpa lɔ Yeesu Kristo be, o ɡe do Korowii be.

Kɛ a chɛ kɛŋɔ hé ɡel a bwa sekwaraa taraken te. Hé laa bandia kpɔ he waa ta, he baah bɛ dɛɛ di saɡasaɡa, hé ɡel meesɔhwa, he bɛ dɔŋa dɛɛ chɛɡre, he bɛ ɡel wobochɔɡa ɛɛ le he nyoo.

He bɛ nyosone teŋe dɛɛ tɛ dɔŋa, dɛkalkɛŋɔ he laa he dabene la ne o we-ɛɛla la bwa kpɔ he nɛ, dɛ́ charɛ dafale. Korowiirii ɡela he do ɡɛ la. Onee dɛɛ kwaa he dafale la saŋ bɛlbwa ásɛ he do kɛrɛdɛ ɡɛ waa doa la, dɛ́ won jemɔ kɛrɛdɛ ka tonɛ.

He baala ɡe, hɛ́ɛ nyin he haahna kɛrɛdɛ dɛ bɛ ban dɛ́ɛ panya.

Bechale, hɛ́ɛ no he nyare ne he mɛɛnanar waa saŋ bɛlbwa, dɛkalkɛŋɔ ɡɛɛ dɛɛ lɛ Korowii sie.

Haahna, hɛ́ɛ no he jaranar wa, dɛkalkɛŋɔ ɡɛɛ a chɛ kɛŋɔ nɛra ba ne ya Dɔɔ Yeesu aa pɛa ɛɛ ɛ.