Popular Bible Verses from Kolosi 2

Share

Haa dɔa kpɔ he te tɛ Yeesu Kristo kɛ he Dɔɔ nɔ, hé ne o pɛ wobɛlbwa ta. A taa aa ba cheɡa he won che kiŋkiŋ dɛ́ kpeɡ o waa la ta, dɛ́ won yarada o waa bwa kɛrɛdɛ ɡɛ baa baɡle heyaa la, dɛ́ɛ jam Korowii saŋ bɛlbwa.

Webaɡla ane lole bane ɛɛ baɡle dɛɛ yera wejema. Hé nyiŋa kɛrɛdɛ. A ɛ nyosone kɛɛ wepuu ba kpɔ dɛɛ neɡre nɛra. Nɛwɛnyini nawee waa, ne koŋkwaa aa dɛ di kpeɡri harɛ nɔ ta wejema waa baa baɡle la. Yeesu Kristo be laa a le.

He wechɔɡa ne he dobene Korowii fa aa wola teŋe ta la ɡelɔ he fa do kɛŋɔ he serewɔ. Kɛ he ne Yeesu Kristo aa pɛa la, Korowii kpɔ he bwa wechɔɡa kɛ heya, dɛ tɛ he bwa mkpafale. Teŋa haa ŋɔa ŋɔ hɛɛ teŋɛ o Mmara taa dɛ berɛ horɛ a bar heyaa la, a bwa taa o le heya. Waa a waa pɛɛ kpa. Korowii kpaa a bwa pɛl Yeesu daɡaɡre la ta a tonɛ.

Yeesu Kristo ɛ Korowii ɡbaɡba. O ba harɛ nɔ ta dɛ ba berɛ nɛwɛnyini. He ne waa pɛa la, he dɔ komɛlbwa. Onee dɔ sɔn waa ɡwaa kwaa yaa wola an na bwa soo siwi sɔn.

Anomanta, dɛ nomɛlbwa dɛ pwah heyaa kwaa ane haa dɛ di, ne kwaa haa dɛ nyɔ, ne he tɔpejena dii benanyoa ne Korobifala Tɔpejena, ne Ona Tɔpera ta naa, he bɛ on dawɛ. A ɡɛ waa nɔ fa tɔ sie chiɡ dɛɛ baɡle waa aa dɛ ba ɛɛ kerekere la kɛŋɔ nɛn lileo aa tɔ o sie, waa wola o ɡbaɡba ɛɛ la. Yeesu Kristo waa la aa bala la, anee waa la tenten.