Տէր Եհովային Հոգին իմ վրաս է,
Վասն զի Տէրը զիս օծեց
Ու զիս ղրկեց աղքատներուն աւետիս տալու,
Կոտրած սիրտ ունեցողները բժշկելու,
Գերիներուն՝ ազատութիւն
Եւ բանտարկեալներուն բանտին բացուիլը հրատարակելու։
Տէրոջը՝ ընդունելի տարին
Ու մեր Աստուծոյն վրէժխնդրութեան օրը հրատարակելու,
Բոլոր սգաւորները մխիթարելու,
Սիօնի սգաւորները որոշելու
Ու անոնց մոխիրի տեղ՝ փառք,
Սուգի տեղ՝ ուրախութեան իւղ,
Կոտրած հոգիի տեղ գովութեան պատմուճան տալու։
Եւ զանոնք պիտի անուանեն Արդարութեան բեւեկնիներ,
Որոնք Տէրը տնկեր է իր փառքին համար։