Popular Bible Verses from 1 Yoh 4

Share

Lifu kusese líma ní kulɔlɔ mɛ ɛ, kulɔlɔ gi kwiflɔ ɛ, kuzɛɛkpikpini lifu kusese kakaa. Loso e, kulɔlɔɔ kúflɔ ní ɔnɔ gi onu ofufluse me e, lɛ ese linu si kutuhehe kuzɛ mani lifu.

Pɔ̀ mlɔ mɛ bebi dimɛnɔ ba, mlenu Aya banɛ, lɛ mlɛŋa asia na beboedoplɛ ba aʋa, lɛ ese linu si Ɔfuɛfuɛ nɔ gi ɔkpasi ní mlɔ mɛ ɛ, ɔlɛ gagla sani Ɔfuɛfuɛ ɔnɔ gi ɔkpasi ní kelea mɛ banima mɛ ɛ.

Kuzɛɛlɔ lɛ ese linu si Aya yɛ etu blo kulɔ.

Mɛ baʋia dimɛnɔ ba, mlaki tɔ kulɔ blɔ ahanuglɔ ba, lɛ ese linu si kulɔlɔ kwidɔ ní Aya klɔ. Ɔnɔ kakaa gi izɛɛlɔ banɔ ɛ, onu Aya Yebi, lɛ etè Aya.

Ɔniliɛ gi ɔ́lɔ banɔ ɛ, óte Aya a, lɛ ese linu si Aya onu kulɔlɔ.

Lɛ ya linu kulɔlɔ. Aní si kwilɔ Aya, pɔ̀ yɛ alɔ blɔ, gi akɔ̀ Yebi ye akɔ ní blɔ eboe zimizi na litukpo tɔ gani yɛ aʋa ɛ, biakɔ blɔ eboe zimizi na kɔkyɛ.

Mɛ baʋia dimɛnɔ ba, xe nite Aya alɔ blɔ ɛ, kɔlɔ lilɛ si kulɔ blɔ ahanuglɔ ba.

Lɛ Aya ebu yɛ kulɔlɔɔ abasɛ blɔ, gani kude uliɔ ya onu gi atsisi Yebi tolee ní kelea mɛ, tɔ kwiamɔ ligbã́ gani yɛ aʋa a.

Xe ɔnutɔ apani si malɔ Aya a, pɔ̀ evu yenemi nɛ akpɛ lipo me e, onu ɔsia nɛ. Lɛ ese linu si ɔnɔnɔ ɔ́tratani Aya gi baʋímɔ ɛ kulɔ, xe ɔ́lɔ yenemi ye gi ɛɛmɔ ɔ.

Xe ɔnutɔ ebu le edo si Yesu yɛ onu Aya Yebi ye e, ɔlɛ ní likpɔkpɛkpɛ mɛ ni Aya, lɛ Aya ɔlɛ ní likpɔkpɛkpɛ mɛ ni yɛ ɛ.

Ɔsã lɔ klɔ gi Yesu aki blɔ onu si, banama petee gi bɛlɔ Aya ɛ, lilɛ si balɔ ba benemi ba fɛ.

Mɛ baʋia dimɛnɔ ba, mlakízɛ banama petee gi bɛɛpani si Ɔfuɛfuɛ nɔ ɔlɛ ní ba awla ɛ aʋa ɛɛŋa, pɔ̀ mlapami lɛ mɛ tɔ mledi xe Ɔfuɛfuɛ nɔ ɛdɔ ní Aya kɔ ɔ. Lɛ ese linu si asia na beboedoplɛ glegle bɛlɛ eku kelea mɛ ɔkɔ kakaa. Gani kudeo liɔ ya onu i, mlate xe onu Aya yɛ Ɔfuɛfuɛ: ɔnɔ kakaa gi azɛ lɛ ɛ, xe ebu le edo si Yesu Kristo aba ŋwisi ɔnɔ gbagbe kinɛ ɛ, yɛ mɛ Aya Ɔfuɛfuɛ nɔ ɔkpasi.

Pɔ̀ ɔnɔ kakaa gi anada liboe lɛ ya ní Yesu su i, yɛ Ɔfuɛfuɛ nɔ ɔdɔ Aya kɔ ɔ. Ɔfuɛfuɛ ɔnɔ gi ɔlɛ ní yɛ mɛ ɛ, ɛdɔ ní Kristo yɛ ahwafiɔnɛɛ kɔ; mlenu si aaba, lɛ abla ɛ ɔlɛ ní kelea mɛ kooko.