Popular Bible Verses from 1 Yoh 3

Share

Mɛ bebi dimɛnɔ ba, líma si blɔ kunɔlɔɔ kuze kupani ko o, lilɛ si kuze anukwarɛ kunɔlɔ gi kwibasɛ isu ní axwɛwawa mɛ ɛ.

Nite kwite kiliɛ gi kunɔlɔɔ kulɛ ɛ: si Yesu Kristo akɔ yɛ ligbã́ nɛ akyɛ kí blɔ. Blɔ fɛ, lilɛ si kukɔ blɔ agbã́ na akyɛ aki blɔ benemi ba.

Mledi kiliɛ gbɛgbɛ gi Aya alɔ blɔ ɛ! Yɛ kulɔlɔ kwisrɛ si baxwa blɔ si Aya yɛ bebi ba, lɛ ní anukwarɛ mɛ ɛ, yɛ bebi kunu, lɛ ya loso kelea mɛ kéte blo, lɛ ese linu si kéte Aya a.

Ɔniliɛ gi ɔtini eboe zimizi aʋa ɛ, onu Ozimizi ye ɔnɛ, lɛ ese linu si Ozimizi ye abitɛ eboe zimizi dɔni okpese klɔ ke. Aya Yebi ye aba ní liboe lɛ ya ɖii loso, tɔ yizizi kidiliɛ gi Ozimizi ye abitɛ ɛ.

Aya yɛ bebi ba mɛ ɔtɔtɔ ɔ́trazɛɛbitɛ eboe zimizi tsinɔ ɔ, lɛ ese linu si Aya yɛ kilu ye kilɛ ní ba mɛ, lɛ agi Aya onu ba Ɔka onu i, bátratani eboe zimizi aʋa kutrɛ ɛ.

Xe bexonete bɛmɔ benemi gi balɛ ní kuziãziã mɛ ɛ, xe bákɔ litɔtɔ ní lɛ mɛ aki ba ɛ, batrátani kupani si bɛlɔ Aya a.

Banama gi bizɛga ní Aya ɔsã nɔ aʋa ɛ, balɛ ní likpɔkpɛkpɛ mɛ ni Aya. Lɛ Aya fɛ ɛ, ɔlɛ ní likpɔkpɛkpɛ mɛ ni ba. Lɛ kɔkpɛ Ɔfuɛfuɛ nɔ gi Aya aki blɔ onu i, kwite si Aya ɔlɛ ní likpɔkpɛkpɛ mɛ ni blɔ.

Lɛ libu lidzegaga nɛ ɛbasɛ ní Aya yɛ bebi ba ni Ozimizi ye yɛ bebi ba kusi, banama petee gi baʋíbitɛ eboe gbã loo baʋídimɛ ni ba ahanuglɔ ba ɛ, bénu Aya yɛ bebi i.

Liboe lɛ gi mlenu idɔni okpese klɔ ɛ, lɛ linu si; lilɛ si kulɔ blɔ ahanuglɔ ba.

Loso e, mɛ benemi ba, likítu mlo kugyɔ ɔ, xe kelea mɛ banima bevu mlo ekpɛ lipo me e.