Popular Bible Verses from 1 Yoh 2

Share

Mlakídimɛ ni kelea mɛ loo kidɔ kakaa gi kilɛ ní kelea mɛ ɛ. Xe mlɛdimɛ ni kelea mɛ ɛ, kɔlɔ mládimɛ ni blɔ Ɔka Aya. Kidɔ kakaa ní kelea mɛ ŋwisi kulekuku nyani nyani, kidiliɛ gi banima bɛmɔ xe bɛɛpɛ ɛ, ani kidɔ kakaa ní kelea mɛ gi kɛ aʋa banima bizɛɛdɔ̀ isu ya ɛ, la litɔtɔ lídɔ Aya kɔ ɔ; la petee ɛdɔ ní kelea mɛ.

Kelea mɛ ni ka kidɔ kakaa gi banima bizɛpɛ ɛ, biiza; pɔ̀ banama gi bizɛbitɛ ní Aya yɛ kupɛ́pɛɔ aʋa ɛ, biaze tsini kanɔmɛ anɔmɛ.

Banama gi bizɛɛpani si balɛ ní likpɔkpɛkpɛ mɛ ni Aya ɛ, lilɛ si beze ligbã́ ŋwisi kiliɛ gi Yesu Kristo eze kinɛ ɛ.

Mɛɛŋwlimi eboa la ya ɛki mlɔ mɛ bebi ba, tɔ mlakíbitɛ eboe zimizi i, pɔ̀ xe ɔnutɔ abitɛ liboe zimizi i, ɔnɔ ɔlɛ ní blɔ awla gi izɛɛpani ní blɔ onu ki blɔ Ɔka Aya a, gi onu Yesu Kristo e, ɔnɔ gi kesetata káma yɛ su i.

Banama gi bizɛɛpani si bete ye e, pɔ̀ xe baʋíbitɛ ní yɛ ɔsã nɔ aʋa ɛ, benu basia nɛ lɛ anukwarɛ ɔtɔtɔ ɔ́ma ní bamɛ ɛ.

Xe kwibitɛ ní Aya yɛ ɔsã nɔ aʋa ɛ, kɔ kwika lɛ aʋa si kwite ye e.

Banama gi bɛɛpani si balɛ ní kuklekleo me e, pɔ̀ bevu ba benemi ba ɛkpɛ lipo me e, balɛ litumu ne me kɔkpɛ ni abla.

Kɔ nyaŋwɛ onu ɔsia nɛ ɛ? Yɛ onu ɔniliɛ gi ɛɛpani si aní Yesu onu Kristo ye e. Ɔniliɛ klɔ elu i yɛ onu Kristo yɛ ahwafiɔnɛɛ. Yɛ anada Blɔ Ɔkaɛ Aya ni Yebi ye.

Lɛ banama gi bɛnada Obi ye e, ba ké bɛnada blɔ Ɔka Aya, banama gi bɛzi Obi ye e, ba ké bɛzi blɔ Ɔka Aya fɛ.