Popular Bible Verses from Room 4

Share

Waa Kɔraawiizi wiŋɔɔlii la aanɛɛ di ŋɔ lugɔ guŋ wàá wer ɛɛ, ka bir dɔɔ yardakpeg tɛɛ Kɔraawiizi sɔŋ, di wer ɛɛ u tamii werge maa lugɔ wii la maa uŋ ŋɔ nua la, u daŋ ɛɛu.

Ba faa sɛbi gunnɛ Kɔraawiizi Hɔŋ biini di ŋɔ, “N gillɔɔ i ɛɛ nɛdeekpila maa mɛɛ.” Kɔraawiizi la n wette gil kuna la n siuwɛ á kaa dɔɔ miibɔɔ, di kaa wer ŋɔ wia la n haa waa ɛɛwɛ wia alugɔ a teŋ ɛɛwɔɔ la, waabuu Abraham yardi.

Kɔraawiizi gillɔɔ Yeesu siu dikuu yaa wichɔgaa wia, di kaa lalluu siu biini yáa wia wer deŋli u be.

Gunla Kɔraawiizi n faa ŋɔwɛɛ la, ba daŋ faa ŋɔ lugɔ guŋ wàá wer ɛɛ. Ka Abraham n faa dɔɔ u wiŋɔzi tamii werge maa wiarɛ u wer birgi nɛdeekpila maa mɛɛ, gunla Kɔraawiizi n ŋɔ nua tɛu, dí u naanna daŋ ŋmɛnɛ du kpil la.

Awia, yarda benii Kɔraawiizi nuuŋɔɔlii la lii, yaa wer na a maa dikuu Kɔraawiizi n na suŋ nɛra ni, di ra hiini baa la wia. Yaa maa mɛɛrɛ Abraham. Banla n na hiŋ Moosis Gbɔg di ra teŋri hɛna ani banla n waa hɛna a teŋri ka yardi Kɔraawiizi alugɔ Abraham la n faa yarduu la, ba maanii niŋ wer dɔɔ tamii Kɔraawiizi nuuŋɔɔlii la biini, di na wia la uŋ faa ŋɔwɛɛ la.

U faa ŋɔwɔɔrɛ, “Banla maa Kɔraawiizi n gil ba wichɔgaa tɛɛ baa, di lizaa ba ni la, nuu sumaa. Nɛr la maa Kɔraawiizi n wàá pɛɛzuu u wichɔgaa wia, nuu sumaa.”

Ɛrɛɛ ba faa sɛbi u wia Kɔraawiizi Hɔŋ biininei? Ba sɛbɔɔrɛ, “Abraham yardi Kɔraawiizii. Kɔraawiizi kuu guŋ wia gil u wia deŋli u be.”