Popular Bible Verses from Room 3

Share

Nɛr maanii ɛɛ wichɔgaa di nyaa Kɔraawiizi girme. Yeesu Kristo yau yaabuu ha. Awiarɛ Kɔraawiizi wer gil yaa wia deŋli u be. U ɛɛ a maanii tɛɛ yaa pɛɛpɛɛ, dikuu u nɛsunaa wia.

Yeesu Kristo yarda bɔttɛ á lii. Kɔraawiizi daŋ gil nɛr la maa n yardi Yeesu wia deŋli u be. Waa nɛr maa a tɔgzi kaali u dɔŋhiŋ.

U gillɔɔ Yeesu Kristo siu, di wer lizi u baaŋ banla maa n yarduu ú siu wia la ni. U ɛɛ gunnɛ nɛ́ra zum lugɔ uŋ faa dɔɔ sisɔna nɛra ni, waa ba wichɔgaa wia hagzɛɛ a saŋa la, u wia deŋloore. U daŋ gil nɛra zum a maa biini filaŋkeŋ, ka ú wer ɛɛ Wideŋlaa Hiŋ, di kaa wer gil banla n yardi Yeesu la ge wia wer deŋli u be.

Gbɔg hiŋaa wàá wer gil nɛr maa wia deŋli Kɔraawiizi be. Gbɔg la biinii nɛra wer zum ba wichɔgaa.

Ba faa sɛbɔɔrɛ, di ŋɔ, “Nɛr maa waa hoo ɛɛ nɛnanii ga tuŋ. Akai! Kpaŋkpaŋ maa waa hoo. Nɛr la n zum wia zɛɛ waa hoo. Nɛr la n na nyiŋŋi Kɔraawiizi bɔr gba waa hoo. Ba maa leuwoo ŋmɛnɛɛ, di bir pɛɛ. Bɛl maa waa hoo ra ɛɛ winanaa. Akai! Kpaŋkpaŋ maa waa hoo”

Yaa zummɔ lugɔ nɛr n niŋ yardi Kɔraawiizi wiarɛ ú wia wer deŋli u be. Gbɔg hiŋaa wàá wer gil u wia deŋli u be.

Akai! Di newee maa ɛɛ karahiŋ, ka Kɔraawiizi wia daŋ haa dɔɔ wibii. Ba sɛbɔɔrɛ Kɔraawiizi Hɔŋ biini, di ŋɔ, “Ba daŋ kpa wibii tɛɛ i wiŋɔzi. Di ba wa dii seriya, i hor daŋ du sum.”