Popular Bible Verses from Room 5

Share

Ka ií na gunla Kɔraawiizi n nɔŋŋi yaa werge maa. Yaa n faa haa ɛɛ wichɔgɛɛra, ka Kristo wer lɛɛ yaa siu a saŋa di siu tɛɛ yaa.

Di yaa dɔɔ tamii u ni, hiihzi wàá ka lau yaa, dikuubɛɛwiai, Kɔraawiizi kpa u nɔŋŋaarɛ du yaa ni werge maa u Dumnaniinanii la un tɛɛ yaa la fɔŋŋa biini.

Yaa bɔra kaa sɔɔni yaa dikuu tɔɔrɔɔ la banna ɛɛ yaa wia, dikuubɛɛwiai, tɔɔrɔɔ labuu niŋ gil ya wer dɔɔ kanyitti. Kanyitti ge daŋ bagli lugɔ Kɔraawiizi ɛɛ yaabuu na, yaa wia dɔɔ wibii u be. Yaa wia n dɔɔ wibii u be la, yaa daŋ dɔɔ tamii u ni.

Awia, Kɔraawiizi n gillɛ yaa wia deŋli u be dikuu yaa n yarduu wia naa, yaa nuu jaa dɔɔ nuukpannɛ dikuu yaa Dɔɔri Yeesu Kristo wia. U wiarɛ yaa wer dɔɔ Kɔraawiizi yarda di ba u be u suŋ yaa ni di ra hiini yaa kennaa unna hiini yaa naa. Yaa bɔra sɔɔnɔɔrɛ dikuu yaa n dɔɔ Kɔraawiizi tamii alugɔ yaa daŋ ŋmɛnɛ na girme u be wia.

Yaa faa haa waa wikuarii maa dɔɔwɛ. Ka a saŋa n wa helle, Kristo lɛɛ nɛchɔgaa siu di siu.

Uŋ wette siu tɛɛ yaa di gil yaa wia wer deŋli Kɔraawiizi be naa, di hɔpizii la wa hello Kɔraawiizi baaŋ wa fuuh nɛra ni, Yeesu wàá ka hiini yaa werge maa, di lɛɛ yaa u baaŋfuuih wia biiniaa?

Gunla nɛkpila n birgi wichɔgɛɛra, dikuu nɛkpaŋ n vɛɛ Kɔraawiizi nua wia, gunnɛ nɛ́kpila ge wia wer deŋli u be, dikuu nɛkpaŋ n sɛɛ u nua wia la.

U guŋ bɛŋ lɛi gba. Ka yaa bɔra sɔɔni yaabuu dikuu Kɔraawiizi n ga Yeesu Kristo ni ɛɛ la wia. Yaa Dɔɔri Yeesu Kristo gillɔɔ yaa nuu wer dɔɔ nuukpaŋ.