Popular Bible Verses from Room 13

Share

Ií gil yaa Dɔɔri Yeesu Kristo du ii ni alugɔ iiŋ kpa tagta laali, nɛ́ra wer na u manni ii ni, ka vɛɛ ii bɔrahɔŋ kunnyiŋŋichɔgaa la.

Ií gilɛɛ gil nɛr maa kim du ii ni. Nɔŋŋaawaa, i daŋ nɔŋŋi nɛra di hanna la. Guŋ bɛŋ kinnɛ waa tuŋ. Hinla maa n nɔŋŋi i dɔŋhiŋ, i hiŋ Kɔraawiizi Gbɔgni la maanii wa tuŋ nɛnnɛ.

A dɛkkɔɔ nɛr maa n na sɛɛ hɛri nabɔnzi dɔɔra, dikuubɛɛwiai, nɛr maa wàá wer di nabɔmuu, di Kɔraawiizi wɔɔ tɛɛwɛ. Kɔraawiizii gillɛ ba ra di nabɔmuu la.

Hamuŋa a bɛruu. Hɔpizaa ge ra dugli. Awia, ií gil ya kpa bɔbiri huma ha, ka kpa Kɔraawiizi laal kuna laali yaa hinaa, di wer hum hɔpizaa huma.

Di i nɔŋŋi i dɔŋhiŋ, hàá sɛɛ ɛɛu wichɔgaa. Awia, dɔnnɔŋŋaarɛ ɛɛ Gbɔg la maa hiŋaa.

Awia, ií ra turgi gunla maa iin niŋ turgi tɛɛ baa. Unla iin niŋ turgi lampoo la tɛɛ, ií turgi tɛu. Unla iin niŋ kɛɛ kebee la tɛɛ, ií kɛɛ tɛu. Unla iin ninna ɔm, ií ra ɔmuu. Unla iin ninna tɔgzi, ií ra tɔgzuu.