Popular Bible Verses from Room 12

Share

Ií gilɛɛ gil durnya naa wia ra fir ia, ii du a duula. Ií gil Kɔraawiizi birgi ii biine nfɛssi, ií duula ge birgi dufalaa ií ɔɔ wer zum wia la n ɛɛ Kɔraawiizi kipar wia, anla n wesse, anla n dɛkkɛ, anla n ɛɛ ananaa wa tuŋ la.

N na suŋŋi ia, yaabalaa, ií binni gunla Kɔraawiizi n suŋ ii ni werge la, ka kpa iihinaa tɛu alugɔ mbusu iin niŋ lizi tɛu, á ɛɛ mbusu lizaa la n ɛɛ naniinanii di du wer u be, ú wer lɛɛa. Jaamaa la n wessee guŋ.

di ɔɔ gil ii bɔra sɔɔni ia ani tamii la iin dɔɔwɛ la. Ií ɔɔ ra di tɔɔrɔɔ ani kanyitti, di ɔɔ lau nfɛrkpaŋ ra suŋŋi wiizi saŋa maa.

Ií gilɛɛ gil wichɔgaa ɛɛi kpegli ia. Ií kpa winanaa ɛɛi kpegli wichɔgaa.

Ií nɔŋŋi dɔŋa nɛnnɛ di ra feli dɔŋa tɔgzaa.

Ií nɔŋŋi dɔŋa biinihuŋŋu ni. Ií hah wichɔgaa ka lau winanaa kiŋkiŋ.

Di ii wetto, di a lii iawaa be, ií ɛɛ ania gil ii ni nɛr maa wia ɛɛ bɔɔiih.

N biinɔŋŋaa, ií gilɛɛ waa ŋɔ ií turgi banla n ɛɛ ia wichɔgaa la. Kɔraawiizi baaŋ na fuuuh dikuu ba wia. Waabuu niŋ turgi baa. Ba faa sɛbɔɔrɛ, Kɔraawiizi ŋɔwɔɔrɛ, “Minuu dɔɔ wichɔgaa turgaa. Min niŋ turgi nɛra ba wichɔgaa kim.”

Ií gilɛɛ dɔɔ bɔhuaih ka ra hiŋ ani siaahmu, di ra hum ii Dɔɔri ani bɔkpega

Ií gil n ŋɔ ii be ani hiinaa la Kɔraawiizi n hiiniŋ n wer dɔɔ la. Ií bɛl maa gilɛɛ ra kpa u hiŋ zenni kaali gunla n wesse. Kɔraawiizi tɛɛ bɛl maanii yarda la un niŋ dɔɔ. Awia, ií ra pessi di zum wia la un tɛɛ ia yarda, ii wer ɛɛ la.

Ií gilɛɛ waa kpa wichɔgaa ra turgi wichɔgaa kim. Ií ra ɛɛ wia la n wesse nɛr maa be.

Ií gil ii maa dɔɔ nuukpaŋ dɔŋa ni, di gilɛɛ ra nyiŋŋi zenni, ka dɔɔ sisɔna, di ra sɛɛ hundumazi humaa. Ií gilɛɛ ra binni lugɔ ii zum wiimaanii.

“Ka di lɔzi waa kpu hiŋwaa dɔm bɛl, nyiŋŋi diwee tɛu ú di. Di niinyɔgzi lawuu, ɛɛ nii tɛu ú nyɔɔ. Di i wetto ɛɛ guŋ tɛu, hiihzi daŋ lawuu.”

Ií ɔɔ suŋŋi wiizi di tɛɛ banla n na tɔɔri ia, di gilɛɛ see baa nua. Ií gil ii bɔra sɔɔni ia banla bɔra n sɔɔnɛɛ wia, di kaa gil ii biine chɔgi banla biine n chɔkkɛ wia.

Ií ra hiini Kɔraawiizi biinanaa ani kuna la baŋ waa dɔɔwɛ, di sɛɛ lɛɛ hɔɔhra ra du ii biini.

Gunla yaa bɔrahɔŋ n ɛɛ kuŋkpaŋ ka dɔɔ yeŋa kpilakpila a huma kurgi la, gunnɛ yaa gba du kpil, ka yaa ni Kristo n kpauwɛ la, yaa maa kpau ɛɛ bɔrahɔŋkpaŋ, bɛl maa ɛɛ u dɔŋahina yeŋ bɛl.