Popular Bible Verses from Room 14

Share

Kundii ni kunnyɔɔi waa wizenaa ɛɛwɛ Kɔraawiizi Kora biini. Wideŋlaa, nuukpaŋ dɔɔi ani bɔsɔna la n lii Kɔraawiizi Dumnanii fɔŋŋa biini la, aabuu ɛɛ wizenaa u kora biini. Nɛr la maa n kpa annii ra hum Kristo, u wia daŋ par Kɔraawiizi, di kaa du wer nɛra ge be.

Di yaa du de di ra nyiŋ, yaa Dɔɔri wiarɛ yaa du de. Di yaa siuwɔ ge, yaa Dɔɔri wiarɛ yaa siu. Awia, di yaa ra nyiŋ gɛɛ yaa waa nyiŋ, ka yaa Dɔɔrii dɔɔ yaa.

Awia, ií gil ya aah siwii ra nyiŋŋi ya ni yaa dɔŋahina nuukpaŋ dɔɔi, di kaa ra nyiŋŋi gunla yaa n niŋ hiini dɔŋa, yaa maa wer lau nɛnnɛ.

Awia, ií gilɛɛ kaa ra ŋɔ ii dɔŋahina wia ni wichɔgaa. Ka ií lau keŋ nfɛrɛ lugɔ bɛ́l maa gilɛɛ waa ɛɛ wiimaa n niŋ gil u dɔŋhiŋ leu, di ɛɛ wichɔgaa.

Ba faa sɛbɔɔrɛ, “Kɔraawiizi ŋɔwɔɔrɛ, ‘Ií gil n ŋɔ wibii ii nuu. Miŋ du de saŋa maa wia, nɛr maa daŋ ŋmɛnɛ giŋŋi n see, di sɛɛ chɔgri.’ ” Yaa maa daŋ ŋmɛnɛ bagli yaa himmaa wia tɛɛ Kɔraawiizi.

Di Yeesu hiŋri bɛl du de, waa u hiŋaa fɔŋŋa dɔɔwɛ ka ra nyiŋŋi u zuu ii biini, ií lɛɛu du ii biini di gilɛɛ binni lugɔ ií diu hɔɔzi.

Anɛɛ hiŋ í wer ŋɔ nɛbɛl balii cholloowei? U himmaa dɔɔrii niŋ zum, di u cholloo gɛɛ waa cholle. Wàá gil u chol gba. Kɔraawiizi daŋ gil u wer chi.