Popular Bible Verses from Filibiyam 1

Share

Bi̱yili̱m n yim n Kwama wu a mwe nanga Ki̱yilang ki̱ku we dutu chinte, a ne du chi̱nu, se ka swanu, a di m Masiya Yesu ka ki̱lade.

Mi̱n twa̱ba̱ bunitu mi ke ti̱chakakku ki̱ni mi̱laku yichiyangu nabwen. Ti̱nti̱ne mi ke ti̱yim Kwama ti̱swaan ti̱ni kwang, yinu ta medu ta sutu chi a datu, ke ti̱kau ni̱bi wa̱la̱k bi̱bu a ne di̱tuur wem ka lami̱nti̱ yo Masiya ka ki̱lade.

We di̱ mi̱ne, ka n kau ki̱ni ti̱kuriye m mi̱n n wu Masiya, ka m bwange ka lami chi.

Mi̱n wana Kwama we ka nang ki̱ki̱le ki̱dangu mi̱n kur chi̱nengu.

We chitu ta maditi kwang, ti̱ma fiswe wu ka yung da wa ya̱m bi̱li̱m Masiyame, di̱ne kasi no m be n ku chi̱n, kasi no mang bebu, mang nwe ya̱mu we dur chi̱nu. Yinu mang yindu mi ti̱ti ware ki̱ri̱ng, ti̱ni bobu, ti̱kuran chi̱ntu a fiwiine di̱ne keku bi̱yili̱mangu we ya̱m bi̱li̱mu.

M bau ki̱ni ki̱ke, n yoti̱ ni̱ru we mi ne mang ma chi ka yoyu a dibwi we nangang Tewuduwe, aya n fwa ya̱m Masiyamu a ne tayi we, we chitu mang maditi kwang, m Masiya ka ya ri̱kaku we di̱ mi̱ne ki̱ka̱ngu n ti ka wuwule ki̱swiye, kasi mi̱ni ki̱ni ti̱kuri, kasi no a kutengu mang bwadang.

Di̱ne li̱me a ma chimi̱ne n ke kana di̱ne ta kedu ki̱ni Masiya, aya ti̱nti̱n ta nwe riye di̱ne ki̱ne