Popular Bible Verses from Filibiyam 2

Share

Ti̱madu chitu we ki̱ni da bwiye ka kukki̱ku durange, aya ti̱si̱kku dutu chi̱ntu, n kawure a ke ko wukani a la ki̱n. Ti̱kuru ka chi a dur chi̱ne we, aya ti̱nang kurti̱ bi̱kamu ti̱nti̱n.

Da ti̱chiyu a kau tiyang da wu a di̱Masiya Yesuwe.

Kasi ki̱ku n ki̱n Kwamangu, a dabbu fi̱raki̱ kangu n ti Kwama ke ti̱kan chi ti̱tu n ki̱n ka tadi ki̱ri̱ngi. N ki̱n a mar dur ki̱nu n ke ti̱kan chi; a mar yikiyu yinang ka̱be, A be ki̱ni di̱ten bwi niin. A di̱ten bwi niin, a siiku dur ki̱nu a kwa̱mbi̱r di̱du a yo ki̱n a bwa, kasi no bwa wu a ki̱tiyang bwange.

N Kwama nang wu ki̱ma nangang a ni̱tu chi̱ne, ki̱yo chi̱nu ti̱kedu yinu ta ma chi ka li̱ma ki̱n ni̱re.

Di̱ne yiko n Kwama a ni ki̱n dwiyentu a la ka ti̱ti̱le chiye kwang. A ni ki̱n di̱n di̱du a la ti̱kantu di̱mbi ki̱ni ri̱kaku, di̱ne yiko ka nang wuwule niye, ka diye ka a ti̱me, ka ni̱r di̱ti̱ne, ka sungdu kani̱n ni Yesu dwiyentu. Ti̱nti̱ne ka nang wuwule yiiye ka mwadu ko, Yesu Masiya nang Tewuduwe, ki̱ni Kwama Te dwiyentu.

Ti̱madu chiwe ki̱ni ti̱luran kebi̱ ka ti̱kwilane, di̱ne ke ti̱kau ni̱bu bi̱bu a ne di̱tuur wem, bi̱bi wa̱la̱k, tiyang bwesi̱m Kwamam bi̱bu a ne ki̱le wem we di̱kalan di̱bwilan di̱kusi̱nu, tani̱n yiidu we tibe chi yinang fiti̱ti̱lai we ti̱ti̱nitu

Di̱ne yiko, n ti̱n bi̱bu mi̱n mi̱ladi̱mu, kangu ti̱mami kwa̱mbi̱ri kwadangu kasi mi̱n newe, ki̱ka̱ngu m mi̱n mang newe n ti chi̱nangu, ti̱su kwa̱mbi̱ru. Ki̱kangu ta ya yukangu, ti̱chakakku ki̱ni da wu yile n ti tayi Kwamai.