Popular Bible Verses from Afisam 6

Share

Nangki̱n, kun di̱du niyang mabu n ti ni aya n ti ki̱fi̱bti yibwilayu n ti bi̱duum chimu ki̱ma mati̱n ti̱ti̱ni ti̱tu yinang kumite n ti ki̱fi̱btiyu a ti̱ra twiye kasi bwaleyu.

Twa̱ba̱ bunitu ka nang ki̱ki̱le ki̱dange yinangu Fi̱ki̱m Kwamamu a yungi̱nangu ka nang wuwule ki̱swiye. Swengi sobu, chakakku ki̱ni twa̱ba̱ku buniyangu di̱ne ni̱bu bunti̱ki̱mu kasi no bwa̱le.

Ti̱sa bwi chiyu ki̱ni kuli̱n kunni̱n Kwaman di̱du a Fi̱ki̱mu, ke ti̱la Setan ki̱ni furali kitu yo beka swe chi̱ne.

Di̱ne yiko, ti̱yau kuli̱n kuni̱n Kwamanu, ke ti̱yim tiko wubwila yo a chire ki̱ni bwila ko, yinu a kuteng kunangu, ta chakakku, ti̱ti ki̱ri̱ng.

Suki̱ku we fi ki̱ni kwang, marru Yesu we, keku bi̱yili̱mang mwangu ka kau mi̱n kusa wu ka tone. Yim n Kwama a yunu, ti̱tu ka kadu yinangu mwang do di̱sumbi̱r di̱du ka swe mi̱n duri̱n. Tau ya̱m Kwamamu, ka kadu yinang kul di̱du Fi̱ki̱m Kwamamu a ni̱nni̱n.

Ti̱ti ki̱ri̱n ki̱kumang, bi̱yili̱m chimu a kau yinang di̱ki̱ri̱n, yile chi̱n a kau yinang rasi. Chau kakku ki̱ni di̱mwar ya̱m bi̱li̱mi̱nu. Ka kadu yinangu m muni ki̱ni ki̱wami we naniyang. Mwang tidi ki̱ni ki̱ri̱ng.

Mang swan ya̱m mi̱mi ying, ti̱ti we dukan Tewuduwe ke ti̱kabi ki̱ri̱ng, di̱ne dukan ki̱nu nabwenabwen.

We tati̱ki̱dai yika̱ri a mwal ko, “Ni temun n ti ne mun dwiyentu.” Ki̱ku nang yilangu a mwemi̱nangu, ki̱ku n Kwama a fwangu ki̱ni bwa̱kangu. Ka m bunti̱ ya̱m temun n ti ya̱m nemuni̱me, a ne chi ka mane we, ti̱kuri mwitu ka yikadu kutan.

Bwesi̱mu ti̱bunti̱ seli̱bi̱ chimu di̱ne n ti̱n m bi̱u Tewuduwe. Ti̱tu nang chi a daka makitu.