Popular Bible Verses from EPHISIAMEI 4

Share

Mi phaan tei khat khat khou nzianthayna, lungh niamhna, Ravguangc rui Khrista khou nangniw ta kuakloumei kumcna khat khat ta kuaklouna lungc o.

Kaganv kathuicna niamhna, lungh zaenghna, khatni khaengvthayna bam o. Khat khat khou akhaengvlou karyna nzianmei lyanlou o.

Nangniw mwang khou rui sw kasic nimei lat sapat riu; tiki chuloumei nunc khang suaihiam sw nimei, kaniw ta kasiamhthaulou nimei kage naimei lat tei sa o.

Lungning nkhucmei, reihsimei khatni lungh puamhmei hei ganc o. Kaudu kaudangmei, sakasic karoucmei, karaengmei lungning, mi kumhmei guay hei ganc o.

Nangniw lungh puamc sini paapc taanh riu; neihmaryn puamc zingh rio. Diabol khang bam tii riu.

Guatmei tuang kahawmei rui sw kasicloumei nangniw tuang meic raan tuang lwnlung tei luak ganc o. Nangniw lung khatni lungning tei tikalaic patna, Ravguangc ta luicna kasiamhloumei, kalingmei khou rui ravchaptatmei khatni nthanmei panty lungc ndauhpatmei meic thanh tei pheybaan piu kumcna piu o.

Chuzaenghmei paan rui nangniw ta bang kariulou bammei, Bumaengh rui tiimei akhatna swmei tei nai tanh tan bam khang ngammei kasang karamc o.

Kaipat tiimeipu kiu kamei hei e. Gaanvsaekc ta latdiutatmei khang, gaanvsaekc ta muhzwng khang, gaanvsaekc ta gaychamv dinh khang, gaanvsaekc ta gaenghpouc khatni dinhpouc khang kamei rui tiilou the. Mi hei kaniw hei kaniw rui Ravguangc mei nunc ta siamruai taanv khang kasiamhthaulouna Khrista tuang pumc tidaic thau khang e. Kum pwkhou, aniu lwmmei khou khatni Ravguangc Nac Mpouh ta thaymei khou akhatna swna nchamcna guang tangclou khang, aniu meicphamei swna Khrista tuang hyang ryan daic tangh khang e.

Kum pwkhou, kaniw rouc rui meic nunc ta nchumh makmei khou zay mbianghlou tat bammei meicguatmei nunc tuang latdyn rui dui kamuatc kumc, pwanzingh kumc, kaniw ta phungc pat, phungc gut tat bammei alauc nunc kumhmei tei aniu sw dat mak khang e. Mi phaan tei, nzianna nchumhmei lat sana, aniu kalam katana khou kapyswmei Khrista khou daicthau khang e.