Popular Bible Verses from EPHISIAMEI 5

Share

Nangniw hei Ravguangc rui heidikamv nzianmei nac nunc di thena, kata luih khang sw nina e. Khrista rui aniu ta nzianna, Ravguangc ta tipianloumei namhgaymei agaw nteina katlou kumc, kapanty aniu khang tiipatloumei tei kumcna, nangniw ni khat khat ta nzianna lungc o.

Nangniw akumhna lungc bam tu cho twmei zaucchuy o. Mpangmei nunc kumcna lungh riu, ningtyngmei nunc kumcna lungc o. Kaganv hei gaytaanv khang asutna piu o; ntaw ganv hei sipui ganv e.

Zouh mba riu; hei tei rui nang ta sw kasic puni. Mi phaan tei Bumaengh rui padikna lungc o. Nangniw khat khat khou kalumlu, hymthuanhlu khatni bumaengh lu lat tei sa suan kary o; khatni nangniw lungsyng rui thuancna kalumlu khatni hymthuanhlu Poubauhmei khou suanlou o. Aniu Poubauhmei Jisu Khrista zanc khou, ramh guayna khang kaganv kathuicna Pu Ravguangc ta thuancku bam o.

Mpang ri tho, Ravguangc rui ningmei tei phu tho.

Gaanvthiu, Khrista rui phwamling ta nzianna mi khang kapanty tiipatmei kumcna nangniw now ta nzian o.

Nangniw ni kahunungc zinghmei sw bam khwan e; tiki ntaw thu Poubauhmei khou gaanhmei di thena, gaanhmei nac nunc kumcna lungc o.

Khrista ta chakhwang swna nangniw khat khat bangc bam o.

Nowthiu, nangniw Poubauhmei bangc khou bammei kumcna, nangniw gaanv bangc bam o.

Tiki mi hei nangniw khang ni sa tuang e: gaanv rui now ta kapumc ta kumcna nzian nina e, khatni now rui gaanv ta chakhwang sw nina e.

“Hei zaeng rui, nggaanvmei rui kapui kapu ta mpatlouna kanow khou kariu nina e, kumna kaney gaanv nei tei akhatna sw nina e.”

Zinghmei tuang gaeng makmei taanv guay tei lay taanh riu. Mi phaan tei, simei tuang simei taanv guay tei ndauhpat ro.