Popular Bible Verses from ROMNYI 3

Share

Anyi tsüdila samidha nu Anyiza kekhang na hangshaya keten tsü temeja bvüdha. Isala Anyiza nanketizen kekila wina khukechi Jisu Khrista mathu lisha kecüwa ghena mathu pi ma tuwi meshon yadha.

Anyiza na anyithu ya Jisu Khrista kenondi ghena pi ma tuwi meshonya thsüden. Anyiza na Khrista kenondithu tsüdi wila hati saden, kepaghenanye ciwi kepapa kesa mangla nmi

Anyiza na ma khuchi cü, nu ma ahhansha sa keshü wina anyithu na ma kenondi ghena mathu kesami teshi pi kecüwa saya thsüa. Anyiza na Khrista khukechi tsüna ma khati nu anyi pi ma tuwi meshonya thsüten khe pi ccüca kechi. Anyiza na kheni anyi kesami ghena lebensie nu mula nkemu ti saghodha. Isala khili tsü wi tsü Anyiza na anyi pi ma kitsantan tsü chüya thsüle kesalina ma anyi kesami ghena kuli bendha. Anyiza na hati nu ma ketsatan nu anyi Jisu Khrista kenondiwa pi ma tuwi meshon yaden kesa pi ccüca chiden.

Kepaghenanye anyi kesütanla Ayenwa tsü nie nu kekuli wina Anyiza tuwi meshon yadha le khikeya nmi. Ayenwa kekuli tsüna anyi na samidha le kesa chüya thsü ketenwa tsü.

Ntsawajüh wi kekhi ti, “Ciwi anyi kesüla ketsatan nyi nmi, ciwi kemetsa nyi kesüla nmi, nyelela Anyiza kekinyi nyi kesüla nmi. Anyi tsüdila Anyiza wina kheneng bvüdha; mathu tsüdila sazzidha, nu thola kemeshonwa nsa ladha, kesüla nmi.

Tsalina anyi Anyiza tuwi meshonkeya tsüna kenondi ghena ketan khe Ayenwa kekhi tsü kenie wina nye le kesa ithu na chütiben.

Nyele, tsüti saya nben! Anyi tsüdi milimesa lela Anyiza tsü ajühtsentsa senden. Ntsawajüh na khiben, “Njüh kekhi wi nyu yala njüh wina atsentsa chüya thsü, nu no ajühkaghakhi wi khang meyathu yishü.”