Popular Bible Verses from ROMNYI 4

Share

Ma Anyiza jühkhukechi tsü n-nondila nsa, isala ma kenondi na kekhang pi ma pong cü nu ma keseng pi Anyiza cü. Kepaghenanye ma Anyiza na khishi kethengwa tsü sa cenben kesa chüti sa.

Ntsawajüh na khiben, “Hi ma pi mizzatenti kejon bawa sa thsüdha.” Tsalina ajühkhukechi tsüna Abraham na nondi ketenwa Anyiza, keshü sa pi hang kecüwa nu ma jühkhukechi wina kheni hang nketen lela nansü sa pi hang cü kesawa tuwi mehai.

Jisu pi ithu kesami ghena shü thsüa, nu ithu pi Anyiza tuwi meshonya thsüle kesalina ma sa pi hangya thsüa.

Abraham na nhiela kemehai seng wi lela nondi nu hie, tsalina ma “mizzatenti kejon bawa” saya. Ntsawajüh na kekhi ti, “Nshicübvüghathu na ghotsithu ti sha yaben.”

Ajühkhukechi tsüna kenondi ghena, isathu ajühkhukechi tsüna Anyiza na kekila wina aju pi Abraham shicübvüghathu tsüdi cüle kesa khiti chidha, tsüna ayenwa nie ketenthu ketan nyela Abraham kenondi tsüti sa nu ketenthu tsüdi ghena la. Kepaghenanye Abraham na aghamulen wi ithu tsüdi bawa

“Anyi nyu ma kesazzi nu kesami teshi pi cü kesawa na khatila anonghe nu! Anyi, Apvüwa na ma kesami nsila kesawa na khatila anonghe nu!”

Ntsawajüh na khiben, “Abraham na Anyiza nondi, nu ma kenondi ghena Anyiza na ma pi ketsatan nyi kesü saya.”