Popular Bible Verses from IBRINYU 4

Share

Kechamvule Sunggigü Jo gü le kerhün lo kekvu kebin jo, zhethon yi kepen nyeki gwakvu, nnyun lo nkapu jenkho sen-o n keren lo ntsin nyu nyu ai yü gü nnyun kendo kerüchün lo nle thyü nyü kebin dan ai kese-o shalo hü nyo.

Tsügenyu ngun shwikenjün hyulo, lo nmvulo keshvu ka-e a-no n njün-o ncheshü nrün genyu ngun nshvumvu tse shwikenjün keda bin gü kho nni gunlo nu.

Kechamvule n peshü kedagü le nkvu kemvu nyyu nphi rüchünlo keho gü mvu, ai nhontseo tha aphu nyu a-semen-e a-we kemu nme-e ndi.

Lo tson-o a-le nyhun keshü dan nme-e a-yhühyu ka kebulo bin mvu, tsüntimvule nle a-mhundyü nyu gungü n npvü nrüla pe zo kü nrün gü yhütyü mhundyü nyu we tha aphu khishwi pe ndo njü nyo.

Lo nle tsang pvüthü kü kela n Peshükeda gü, Jisu, Sunggigü Nyugü le kebin si genyu nle zoshwi keshü nketenyen gü tezen tsekho sen bin lo nu.

Tsügenyu temi nme-e no jozen mvukela tsüdan hontse chela mvule kerüyü tsünyu yülo titse kethyü hagun yhen thyülo nu.