Popular Bible Verses from IBRINYU 13

Share

Pisa ketepen nyu hagun keyhun petsülo, lo hagun le nyu le bin yo tsü sen-o rünyu lo, kechamvule Sunggigü le, “Ale thame ka-e nhoshü loho; nmvue nkhela loho,” tse zoshü kela genyu.

Jisu Khrista le ndu-e lo nthu-e lo kethonthen a-keme.

Tsügenyu nle pecheo, “Npugü le akeche gü, ale nshvu loho. Temi le age nyu thyü shülo tila?”

Thakegwa kethyü lo tha khipe metsü mejün kethyü nmhinla nya, kechamvule kershvu tsühontse kethyü tsüle Sunggigü le a-kenyü kehü genyu.

Tsügenyu ngun a-zan sen-o Sunggigü keshwen kershvu thyü shü zin binlo nu, lo tson-o a-zan shao nmün lope a-zan shwen lonu.

Hagun aphu senkethyü rühvu mvulo shvu; lo sunkethyü zhü gü nrhula mvu bin mvulo shvu; kechamvule Sunggigü le kemeshün nyu lo keyüla nyu ketso nrün genyu.

Kechamvule nduka tsügenyu peha le shamvu tse tsangge jolonyu nsinlo kethyü genyu.

Nyunkebwen khishü kehü Sunggigü, kesinyu Npugü Jisu Tanyü kekhwen kedagü thyü nrhünni kelo gü, lo kethonthen kejopen kejozen kelo zi no, hagun pe a-kendo thyülo nrün genyu tha kegwa lihi aphu pe hagun ge shüo, Jisu Khrista nyu aphu dan nyu a-kenyü gü thyü binlo nda. A-no kethonthen zankechwi gü thyülo. Amen.