Popular Bible Verses from IBRINYU 12

Share

Tsügenyu jünkezo nmhu keda le nhunpvü kebin genyu ngun hüsü kehü lo kemu nkho nni n nsü kehü tsü kelila, lo tson-o nyhen thyü nmhundyü zin hü gunlo tinu. Tson-o n ketenyen khipe nketsü gü lo thyüpen shü kehü gü Jisu nrilo, a-le shekerhün le a mhundyü ki bin kela gü genyu krus ge kejokepvü pe lihi kemvu thyüo nyhenlo, lo tson-o ntsoka Sunggigü Raja bin njüzin bin tin laso.

N nthyü nnyüo senkethyü le aphu tse nyeka we nkenyü mvule thyüri hünyo; ai tsü lope a-senthyü kelonyu le kekhin ki tsügenyu nyun kebwen rasha kentsen keseri nsha shü hünyo.

Hagun temi aphu zen kengü gwalo titse lo nshün lo titse kethyü hagun yhen thyülo, tsühontselo kemvu we temi nme-e Npugü hyulo ho.

Hagun shese lo hagun nyun kunla mvu nrün genyu, kemu nyu no a-shwirüchün sa lo a-ntsun sa-e nyhen kelo gü rüla rüchün shü shwi ta.

Tsügenyu ngun nnu nrülo keho keda kethyü nme hyulo kela genyu a-cheno lonu, lo Sunggigü shye nshvu kelo hontse a-no lolo kekü kershvu thyü pe a-tsü tinu.

Hagun no gwalo nrün genyu hagun nthyü nnyüo hagun senthyü kehü tsü nyhenlo, Sunggigü le hagun no a-nyu hontseo hagun ge tson hünyo. Kechamvule nyu segü le a-pvü le a-nthyü nnyüo a-senthyü kemvu le bin nla?

Kechamvule ngun Sunggigü le tha rokemhenla kehü mah nme kethyü genyu.

Kazü nyu npvünyu le a-mhundyü ka a-zü tseo a-gwünkho keshanyu ka n nthyü nnyüo nsenthyü hünyo. Ai a-we nno a-kenshün hyulo titse ngenyu kegwa kon ka n nthyü nnyüo nsenthyü hünyo.

Kehun le kemu zen kenren kethyü ka hagun le tezi ketsun keti nren mvu zun.