Popular Bible Verses from KOLOSATE 3

Share

Kuapeuh in kua tung ah leng thubuai nei hi le uchin, kithuakzou chiat in, kingaidamtuah unla, Toupa'n ahon ngaihdam tak bang in kingaidamtuah chiat un.

Tunglam a thil omte ah na lungsim uh nga un; lei a thil omte a nga lou in.

na hih peuhmah uh, mihing a ding bang a hih lou in, Toupa a ding zaw in kilawptak in hih un

Huaiziak in Pathian mitel, misiangthou leh deihtakte bang in lainatna lungtang, migitna, kingaihniamna, thunuailutna, thuakzohna in kivan un.

Khrist thu a hauhna teng toh noumau ah dimsak kiihkeih un, pilna chiteng a kisinsak leh kihilhtuah a om in, kipahna lungtang toh Pathian kiang a phatna late, Pathian late, khalam late sa in om un. Huan na hih peuhmah uh thugen ah leh thilhih ah amah ziak a Pa Pathian kiang a kipahthu gen kawm in Toupa Jesu min in hih vek un.

Huan huai tengteng tung ah itna silhthuah un; huai in thil bangkim kituaktak in agakkhawm hi.

Huchi in Khrist toh kaihthohkhawm a na om tak man un, tunglam a Pathian taklam a tu Khrist omna a thil omte zong un.

Huan Khrist khamuanna in na lungtang uah vai hawm hen, huai ding in pumpi khat a sap na hi ua, kipahna dan leng thei un.

Huchi in noumau a lei lam thil deihna omte that un, kingaihna, nitna, hukna, utna gilou, huaihamna; huai milim biakna ahi.

Na sita ua, tu in na hinna uh Pathian ah Khrist toh sel in a-om hi.

Himahleh tu in nou leng hiai tengteng, hehna, thangpaihna, huatna, gensiatna, na kam ua pau zahmohte koihmang un.

Mihing lui athilhih toh na suahkheta uh chih mu in, kuamah kizuausantuah kei un, mihing thak in na kivanta ngal ua; huai mihing thak asiampa batpih bang a theihna a siam thak in a-om lellel hi.

Pasalte aw, na zite uh it unla, alak uah hanhat kei un.

Naupangte aw, bangkim ah na nu uleh na pate uh thu mang un, huai tuh Toupa pahtak lam ahi.

Zite aw, Toupa ah akilawm hun bang zel in na pasalte uh kiang ah kiniamkhiak un.