Popular Bible Verses from THUVARHAI 13

Share

Mi varhai intlawnpui la, nang khawm var i tih, Mi invêthai inruolpui ruok chu suksiet nîng a tih.

A bau vêng ṭhatu chun a hringna a kawl ṭha a, A hmûrhai ka lientu ruok chun suksietna tuok a tih.

A hmawl hlatu chun a naupa a theida a, Ama hmangaitu ruok chun taimatakin a thunun hlak.

Beisei hlawsamna chun lungril a sukdam nawh a, Châk zâwng hung tlung ruok chu hringna thing a nih.

Kawnglama mi tluong chu felnain ama a vêng a, Khawhlona ruok chun mi suol chu a buon thlûk.

Teplo mei meia hausakna hmu chu kiem a ta, Sininrima la khâwmtu chun a pung hmûng a tih.

Chaponaa chun inkhingna a suok a, Thurâwn ṭhataka ruok chun varna a um.

Mi ṭha chun a tuhai ta ding chenin rohluo ding a mâkpêk hlak a, Mi suol hausakna chu mi fel ta dinga siekhâwl chau a nih.

Naupa var chun a pa inchûktirna chu a ngai a, Hmusittu ruok chun kâwkna chu a ngai nawh.

Tlâksamna le inzakna chu inchûktirna sêlkaltu kuoma chun um an ta, Kâwkna pawisatu ruok chu chawimawi nîng a tih.