Popular Bible Verses from ISAI 40

Share

Châuhai kuoma chun thilthaw- theina a pêk hlak a; hrâtna hrim nei nawhai chu a sukhrât hlak.

Tleirâwlhai meu khawm sâwlin châu an ta, tlangvâlhai khawm chu tlu dêr an tih; LALPA nghâktuhai ruok chun an hrâtna chu siem ṭha nâwk an ta, mupuihai angin thlain hang vuong an ta, sâwl loin tlân an ta; châu loin kein fêng an tih.

In lungrilin in hriet zing hlak nâwm a nih? In nain in hriet ngai nâwm a nih? Kumkhaw Pathien, LALPA, kâwlkawdawng chen Siemtu chu, a châu ngai nawh a, a sâwl ngai bawk nawzie hi; a hrietthiemzie chu zawng suok ruol a ni nawh.

Mi khêk râwl chun, “Thlalêrah LALPA lampui buotsai unla, ram ṭâwla chun ei Pathien ta dingin lamlien sukruol ro.

Hlobet chu a vuoi a, a pâr chu a ṭuoi hlak: ei Pathien thu ruok hi chu chatuonin um zing a tih.”

chun, LALPA ropuina chu suk- lang nîng a ta, mi po poin chu chu hmu seng an tih; LALPA bau chun a hril ta sih a,” a ta.

Ruom tin suksâng ni vawng a ta, tlâng tin, muol tin sukhnuoi ni bawk a tih; lampui kâwihai chu suktlûn nîng an ta, ân ṭum nawna laihai chu sukruol ni bawk a tih

Ama chun berâm vêngtu angin a pâwl chu châwm a ta, berâmtehai chu a bânin pawm khâwm a tih, a âng- sûnga siein fepui a ta, te ṭhuoi laihai chu damtêin ṭhuoi diel diel a tih,” ti rawh.

Chungtienga khin in mithai hang inlên unla, khienghai khi tu siem am an na, en ta u: ama chun sipaihai khi indawt peiin a ṭhuoi suok hlak a, an hmingin a ko seng hlak a; a hrâtna nasat lei le, thilthawtheina tienga a hrât leiin pakhat khawm kim naw an um ngai nawh.

Ama chu leihnuoi inkuolkhum- na chunga ṭhung chu a nih; a mit- hmua chun hnuoi chunga umhai chu khâuhai ang chau an nih, ama chu vân khi puon in chung anga keiphar a, puon in umna ding hmuna zâr a

Jerusalem mihai kuomah thla- muongna tieng pangah thu hril unla, an indona chu a tâwp a, an suolna chu ngaidam an nih a, an thil suksuol po po aiah LALPA kuta inthawkin a let hniin an hmu tah ti hril ro.

Râwl chun, “Khêk rawh,” a tih a. Chun, kei chun, “Ieng thu hrilin am khêk ka ta?” ka ta. “Mi po po hlohna ang an na, an ropuina po po khawm phûl pâr ang a nih: LALPA thuok chun a mût leiin hlohna chu a vuoi a, a pâr chu a ṭuoi hlak; mihai chu hlohna ang an ni ngei el.

En ta u, Lalpa PATHIEN chu mi hrâttak angin a hung ding a ni hi; a bân chun a aiah ro rêl a tih; en ta u, a lâwmman chu a kuomah a um hi, a thungna chu a hmaah a um bawk a.

Thlamuon ro, ka mihai hi thla- muon ro, in Pathien chun a tih.

Tuin am tuihai chu a kutpha zâwla chau inkhih a, vân khi khâp chaua inkhih a, hnuoia pilvut hi te- khâwng pakhat chaua thun vawng a, tlânghai chu khaina chaua bûk a, muol pâwng hai chu bûkna chaua bûk kha le? Tuin am LALPA thlarau chu thil thaw dân ding a khîkhmu hlak a? Annawleh, tu am a remruotpêktu nia ama inchûktir hlak? Ama chun tu am a râwn a, tuin am ama chu inhriettir a, rorêlna kawng inentir a, hrietna inchûktir a, hrietthiemna kawng inentir hlak?