Popular Bible Verses from ISAI 41

Share

ṭi naw ro, kei in kuomah ka um sih a; lunginzîng naw ro, kei in Pathien ka ni sih a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

Kei LALPA in Pathien hin, “Ṭi naw ro, ka ṭhangpui ding cheu a nih,” tiin, in kut changtieng chu ka chel ding a ni sih a.

Ngai ta, in chunga lungninaw po pohai chu muolphotak le inzak- takin um an tih; nangni sêltuhai cheu chu iengkhawm ni lo ang nîng an ta, bohmang an tih.

nangni leihnuoi tâwpnaa in- thawka ka mi ṭhuoi, a kia inthawka ka mi ko, “ka siehlawhai in nih, pei thla loin ka thlang lem cheu,” ka itihai

Nangni sêltuhai cheu chu zawng in ta, hmu si naw ti niu: nangni dotuhai cheu chu iengkhawm ni lo ang nîng an ta, thil um naw ang el nîng an tih.

Nang chawkchawnâl Jakob le Israel mihai, ṭi naw ro, ṭhangpui ka ti cheu, LALPAIN a tih, nangni intlan- tu cheu chu Israelhai Mi Inthieng chu a nih.

Nisienlakhawm, nangni Israel- hai ka siehlaw, Jakob hai ka mi thlang, ka ruolpa Abraham thlahai

Tlâng insâng kawl vel vula chun vadunghai inluong suoktir ka ta, ruom laiahai chun tuihnârhai insuok- tir bawk ka tih; thlalêr chu dîlah siem ka ta, ram ṭâwl chu tuihnârah siem bawk ka tih.

Mi rimsi le pasiehai chun tui an zawng hlak a, a um si nawh a, an lei dangchârin a ṭâwl vawng hlak; kei LALPA hin anni chu dawn ka ta, kei Israelhai Pathien hin anni chu mâksan naw ning.

A tira inthawkin suon po po koin, tuin am thawh a, thaw zo? Kei LALPA, a hmasa tak le a nuhnung tak kuoma um hi, a thawtu chu ka nih.

Thlalêra chun sidar thing dâm, sittim thing dâm, inhmui thing dâm, hriek thing dâm phun ka ta; ram ṭâwla chun fâr dâm, phân dâm, fâr- suok dâm phun vawng tâwl ka tih; LALPA kut chun chuong chu a thaw a nih ti le Israelhai Mi Inthieng chun a siem a ni ti an hmuh a, an hriet a, an ngaituoh a, an hrietthiem sengna dingin.