Popular Bible Verses from THUHRILTU 3

Share

Vân hnuoia hin thiltum tinrêng ta dingin hun a um a, thil tinrêng ta dingin hunbi a um

Pieng hun a um a, thi hun a um a; Phun hun a um a, phunsahai phâwi hun a um bawk a; Sukhlum hun le sukdam hun a um a, Ṭhiek hun le bâwl hun a um a

Ṭap hun le innui hun a um a, Sûnna hun le lâm hun a um a; Lung peihâwn hun le lung lâk khâwm hun a um a, Pawm hun le pawmnaa inthawk insûm hun a um a

Keithlêr hun le ṭhui hun a um a, To ṭawk ṭawk hun le thu hril hun a um a; Hmangai hun le theida hun a um a, Indo hun le inrem hun a um a

Zawng hun le inhmang hun a um a, Vawng hun le peihâwn hun a um a

Pathienin a thaw taphawt kum- khuoa ding a nih ti ka hriet a; chu- taka chun iengkhawm belsa thei ni naw ni a, iengkhawm lâkṭhe thei ni naw nih; Ama hmaa mihriemhai chu an ṭit theina dingin Pathien chun a thaw tah a nih.

Ka lungril chun, “Pathien chun mi fel le rilo chunga chun ro rêl a tih; sin tinrêng le thiltum tinrênga dingin hun a um sih a,” ka tih a.